Ilezi 54:1-7

  • Olẹ rọkẹ obufihọ evaọ udevie ewegrẹ

    • “Ọghẹnẹ họ ofiobọhọ mẹ” (4)

Ro se ọnọ o wuzou ile na; onọ a rẹ rọ ekpata-ifi kporo. Maskil.* Orọ Devidi, okenọ ahwo Zif a rọ nyaze te vuẹ Sọl nọ: “Devidi o dhere udevie mai.”+ 54  O Ọghẹnẹ, siwi omẹ ẹkwoma odẹ ra,+Re whọ rọ ogaga ra thothọ mẹ.*+   O Ọghẹnẹ, yo olẹ mẹ;+Gaviezọ kẹ eme nọ i bi no unu mẹ ze.   Keme erara* e be kpareso omẹ,Yọ ezae egeva e be gwọlọ uzuazọ* mẹ.+ A wo ozodhẹ Ọghẹnẹ hẹ.*+ (Silah)   Rri! Ọghẹnẹ họ ofiobọhọ mẹ;+Jihova ọ rrọ kugbe enọ e be tha omẹ* uke.   Ọ te rehọ eyoma ewegrẹ mẹ hwosa zihe kẹ ae;+Kpe ai no,* fiki ọtẹruo ra.+   Mẹ te rọ unevaze dhe idhe kẹ owhẹ.+ Me ti jiri odẹ ra, O Jihova, keme o rrọ wowoma.+   Keme o bi siwi omẹ no idhọvẹ kpobi,+Yọ me ti rri ewegrẹ mẹ avọ oghọghọ obokparọ.+

Eme-Obotọ

Rri oria Otofa Eme.
Hayo “Rehọ ogaga ra guẹdhọ mẹ.”
Evaọ Hibru, “ewegrẹ.”
Evaọ Hibru, “nifẹsh.” Rri oria Otofa Eme.
Hayo “A fi Ọghẹnẹ họ aro rai hi.”
Evaọ Hibru, “nifẹsh mẹ.” Rri oria Otofa Eme.
Evaọ Hibru, “Ruru unu rai.”