Ilezi 56:1-13
Ro se ọnọ o wuzou ile na; orọ ekporo “Erueruẹ nọ Ọ Fọ Tou nọ Ọ Rrọ Thethabọ.” Orọ Devidi. Miktam.* Okenọ ahwo Filistia a mu Devidi evaọ Gat.+
56 Rri omẹ aro, O Ọghẹnẹ, keme ahwo-akpọ a be họre omẹ.*
Ẹsikpobi a be họre omẹ je kienyẹ omẹ.
2 Ẹsikpobi ewegrẹ mẹ a bi gbakọ họ omẹ;Ahwo buobu a be họre omẹ ududu.*
3 Nọ ozọ u te bi mu omẹ,+ me re fievahọ owhẹ.+
4 Ọghẹnẹ, ọnọ me bi jiri ẹme riẹ na,Ọghẹnẹ me fievahọ; ozọ u bi mu omẹ hẹ.
Eme ohwo-akpọ* gheghe ọ rẹ sai ru omẹ?+
5 Kẹdẹ kẹdẹ* a be wha ọraha họ iruẹru mẹ;Oware nọ a bi roro kpobi họ epanọ a rẹ rọ nwa omẹ oma.+
6 A dhere be hẹrẹ re a họre omẹ;A bi muẹrohọ oria kpobi nọ mẹ be nya,+Be gwọlọ epanọ a rẹ rọ rehọ uzuazọ* mẹ.+
7 Siọ ae fiki imuomu rai.
Rọ ofu ra rehọ erẹwho na ziọ otọ, O Ọghẹnẹ.+
8 Who bi muẹrohọ oghẹrẹ nọ me bi ro ghoro kpenẹ avọ enẹ.+
Koko irui-oviẹ mẹ họ ukoko oviẹ-arao ra.+
Kọ a gbe kere ai fihọ obe ra?+
9 Ewegrẹ mẹ a ti kuomarẹriẹ dhẹ zihe evaọ ẹdẹ nọ me bo kẹ obufihọ.+
Me wo evaifihọ nana, inọ: Ọghẹnẹ ọ rrọ abọ mẹ.+
10 Ọghẹnẹ, ọnọ me bi jiri ẹme riẹ na,Jihova, ọnọ me bi jiri ẹme riẹ na,
11 Ọghẹnẹ me fievahọ; ozọ u bi mu omẹ hẹ.+
Eme ohwo-akpọ gheghe ọ rẹ sai ru omẹ?+
12 Me re ru eyaa nọ mẹ ya kẹ owhẹ gba, O Ọghẹnẹ;+Me ti dhe idhe uyere kẹ owhẹ.+
13 Keme who siwi omẹ* no uwhu+Je ru nọ awọ mẹ o gbe ro zoruẹ hẹ,+Re mẹ ruẹse nya evaọ aro Ọghẹnẹ, re mẹ gbẹ jọ uzuazọ.*+
