Ilezi 25:1-22
Orọ Devidi.
א [Alẹf]
25 Whẹ mẹ rẹ dhẹ bru,* O Jihova.
ב [Bet]
2 Ọghẹnẹ mẹ, mẹ rẹroso owhẹ;+Whọ kuvẹ re a ru oma vuọ omẹ hẹ.+
Whọ kuvẹ re ewegrẹ mẹ a ghọghọ fiki mẹ hẹ.+
ג [Gimẹl]
3 Evaọ uzẹme, ohwo ọvuọvo nọ ọ rẹroso owhẹ nọ oma o rẹ vo ọ riẹ hẹ,+Rekọ omovuọ o be hẹrẹ enọ i re ru eware ẹghẹ gheghe gheghe.+
ד [Dalẹt]
4 Ru omẹ riẹ idhere ra, O Jihova;+Wuhrẹ omẹ idhere ra.+
ה [He]
5 Ru omẹ nya evaọ uzẹme ra re who wuhrẹ omẹ,+Keme whẹ họ Ọghẹnẹ esiwo mẹ.
ו [Whọọ]
Whẹ me fi ẹruore mẹ họ ẹsikpobi.*
ז [Zayin]
6 Kareghẹhọ ohrọ-oriọ ra, O Jihova, gbe uyoyou ra nọ o rẹ hiẹ hẹ,+Enọ who re dhesẹ ẹsikpobi na.*+
ח [Hẹt]
7 Ivie, whọ kareghẹhọ izieraha mẹ erọ oke uzoge he gbe iruthọ mẹ.
Kareghẹhọ omẹ fiki uyoyou ra nọ o rẹ hiẹ hẹ,+Fiki ewoma ra, O Jihova.+
ט [Tet]
8 Jihova o woma je kiete.+
Oyejabọ nọ o re ro wuhrẹ erahaizi epanọ a re yeri uzuazọ.+
י [Yod]
9 Ọ te kpọ enọ e be romakpotọ na re a ru oware nọ u kiehọ,*+Yọ o ti wuhrẹ enọ e romakpotọ na edhere riẹ.+
כ [Kaf]
10 Idhere Jihova kpobi e vọ avọ uyoyou nọ o rẹ hiẹ hẹ gbe ọtẹruoNọ o re dhesẹ kẹ enọ i bi koko ọvọ riẹ+ gbe ekareghẹhọ riẹ.+
ל [Lamẹd]
11 Fiki odẹ ra, O Jihova,+Rọ iruthọ mẹ vrẹ omẹ, dede nọ e rrọ ruaro.
מ [Mẹm]
12 Ono họ ohwo nọ ọ be dhozọ Jihova?+
O ti wuhrẹ iẹe kpahe edhere nọ u fo nọ ọ rẹ nya.+
נ [Nun]
13 Oware uwoma u ti tei obọ,*+Yọ emọ riẹ e te* rọ otọakpọ na reuku.+
ס [Samẹk]
14 Ahwo nọ a rẹ dhozọ Jihova a re wo usu okpekpe kugbei,+Yọ o re ru ai riẹ ọvọ riẹ.+
ע [Ayin]
15 Jihova mẹ be rọ ibiaro mẹ rri ẹsikpobi,+Keme ọ te rra ẹriri no awọ mẹ.+
פ [Pe]
16 Rẹriẹ ovao ra rri omẹ re who dhesẹ aruoriwo kẹ omẹ,Keme mẹ rrọ goli yọ mẹ oruori.
צ [Sade]
17 Idhọvẹ nọ e rrọ udu mẹ i bu gaga no;+Si omẹ no uye nọ o rrọ omẹ oma.
ר [Resh]
18 Rri oja-oriọ mẹ gbe ebẹbẹ mẹ,+Re whọ rọ izieraha mẹ kpobi vrẹ omẹ.+
19 Rri epanọ ewegrẹ mẹ i bu te,Gbe epanọ omukpahọ ọgaga rai o be lẹliẹ ae gwọlọ họre omẹ.
ש [Shin]
20 Sẹro uzuazọ* mẹ re who siwi omẹ.+
Whọ kuvẹ re a ru oma vuọ omẹ hẹ, keme mẹ dhẹ bru owhẹ ze re mẹ zọ.
ת [Tọọ]
21 Jọ ẹgbakiete gbe ẹrẹreokie* e sẹro mẹ,+Keme whẹ me fi ẹruore mẹ họ.+
22 O Ọghẹnẹ, thọ* Izrẹl no uye riẹ kpobi.
Eme-Obotọ
^ Hayo “okpẹdoke na soso.”
^ Hayo “Enọ i no oke anwae ze na.”
^ Evaọ Hibru, “evaọ oziẹobro.”
^ Evaọ Hibru, “ubi riẹ o te.”
^ Hayo “ekiete.”
^ Evaọ Hibru, “ta.”
