Ilezi 6:1-10
Ro se ọnọ o wuzou ile na; onọ a rẹ rọ ekpata-ifi kporo lele edo Shẹminit.* Ole Devidi.
6 O Jihova, whọ rọ evedha whọku omẹ hẹ,Yọ whọ rọ ofu kpọ omẹ vi hi.+
2 Rri omẹ aro,* O Jihova, keme me gbe wo ẹgba ha.
Siwi omẹ, O Jihova,+ keme igbenwa mẹ i bi nuhu.
3 Ẹhẹ, mẹ* be ruawa gaga,+Yọ mẹ be nọ owhẹ, O Jihova, inọ ẹvẹ u ti kri te?+
4 Zihe ze, O Jihova, re who siwi omẹ;*+Siwi omẹ fiki uyoyou ra nọ o rẹ hiẹ hẹ.+
5 Keme ohwo nọ o whu no ọ rẹ sae fodẹ* owhẹ hẹ;Kọ ono ọ rẹ sae jọ obọ Uki* jiri owhẹ?+
6 Imẹ-idio mẹ i ru oma lọhọ omẹ no;+Aso na soso mẹ rẹ viẹ ehwa mẹ vo avọ irui-oviẹ;*Mẹ rẹ viẹ agbara othethei mẹ vọ.+
7 Uweri o gbẹ be jọ omẹ ruẹ ude he;+Ibiaro mẹ i dhe no* fiki ahwo kpobi nọ a bi kpokpo omẹ.
8 Wha nyasiọ omẹ ba, whai kpobi nọ i bi ru eware imuomu,Keme Jihova o ti yo edo oviẹ mẹ.+
9 Jihova o ti yo ayare mẹ kẹ obufihọ;+Jihova o ti yo olẹ mẹ.
10 A ti ru oma vo ewegrẹ mẹ kpobi a ve ti reghe no;A ti si uzou rehọ idudhe avọ omovuọ.+
