Ilezi 37:1-40
Orọ Devidi.
א [Alẹf]
37 Jọ eva e dha owhẹ* hẹ fiki ahwo omuomuWhọ re ahwo nọ a bi ru oware uyoma ihri hi.+
2 A ti lo no vẹrẹ vẹrẹ wọhọ ẹbe+Jẹ ya no wọhọ ẹbe ọrọrọ nọ ọ be dhẹ ze obọ.
ב [Bet]
3 Fievahọ Jihova re who ru oware uwoma;+Rria otọakpọ* na, re who dhesẹ ọtẹruo.+
4 Jọ eva e were owhẹ gaga* fiki Jihova,O ve ti ru ẹgwọlọ udu ra kẹ owhẹ.
ג [Gimẹl]
5 Rehọ uzuazọ* ra họ obọ Jihova;+Rẹroso ẹe, o ti fiobọhọ kẹ owhẹ.+
6 O ti ru ẹrẹreokie ra lo wọhọ oke nọ o ke no,Je ru uvioziẹ ra lo wọhọ ọre uvo kekeke.
ד [Dalẹt]
7 Fọ tou kẹ Jihova+Jẹ hẹrẹ iẹe avọ irẹro.*
Whọ jọ eva e dha owhẹ hẹFiki ohwo nọ o ru omaa omuomu riẹ gba.+
ה [He]
8 Nyasiọ evedha ba re whọ siọ ofu-omuo ba;+Whọ jọ eva e dha owhẹ re whọ nyai ru oware umuomu hu.*
9 Keme a ti kpe ahwo omuomu no,+Rekọ enọ i fi ẹruore rai họ Jihova a te rọ otọakpọ na reuku.*+
ו [Whọọ]
10 Omoke kakao ọvo u kiọkọ, ahwo omuomu na a gbẹ te jọ họ;+Who ti rri oria nọ a jọ vẹre,A gbẹ te jọ etẹe he.+
11 Rekọ enọ e be romakpotọ na e te rọ otọakpọ na reuku,+Yọ eva e te were ae gaga fiki udhedhẹ nọ o dafia.+
ז [Zayin]
12 Ohwo omuomu o bi roro iroro iyoma kpahe ohwo okiẹrẹe;+Ọ be rọ evedha reakọ kẹe.
13 Rekọ Jihova ọ te hwẹe,Keme Ọ riẹ nọ ẹdẹ riẹ ọ be tha.+
ח [Hẹt]
14 Ahwo omuomu a re yolo egbọdọ rai jẹ vẹ* ize raiRe a kpe iruori gbe iyogbe na,Re a kpe enọ i bi ru oware nọ u kiete.
15 Rekọ ọgbọdọ rai o ti duwu udu obọrai;+A ti wiri ize rai no.
ט [Tet]
16 Umutho eware nọ ohwo okiẹrẹe o woI woma vi eware ibuobu nọ ahwo omuomu buobu a wo.+
17 Keme a ti wiri abọ ahwo omuomu na no,Rekọ Jihova o ti fiobọhọ kẹ ahwo okiẹrẹe na.
י [Yod]
18 Jihova ọ riẹ oware nọ ahwo nọ a kare afuẹwẹ na a be ruẹ uye riẹ,*Yọ ukuoriọ rai o te jọ bẹdẹ bẹdẹ.+
19 A ti ru oma vuọ ae he evaọ oke okpẹtu;Evaọ oke nọ ohọo u ti mu a ti wo emu buobu.
כ [Kaf]
20 Rekọ ahwo omuomu na a ti whu kufiẹ;+Ewegrẹ Jihova a ti lo no wọhọ ẹbe ọbọbọ;A te rayẹ no wọhọ iwiri.
ל [Lamẹd]
21 Ohwo omuomu o re momo rekọ ọ rẹ hwa zihe he,Rekọ ohwo okiẹrẹe o re ru ọghọ* jẹ kẹ ahwo eware.+
22 Enọ Ọghẹnẹ ọ ghale a te rọ otọakpọ na reuku,Rekọ enọ Ọ bọwo ehao a ti whu kufiẹ.+
מ [Mẹm]
23 Jihova ọ rẹ kpọ ithihi awọ ohwo*+Nọ edhere ohwo na ọ tẹ were iẹe.+
24 Dede nọ ọ rẹ sai kie, a ti gbolo iei fihọ otọ họ,+Keme Jihova o re kru rie obọ.*+
נ [Nun]
25 Mẹ jọ ọmaha oke jọ rekọ obọnana mẹ kpako no,Rekọ mẹ re ruẹ ohwo okiẹrẹe ọvuọvo nọ a kiukeku hu,+Hayo ruẹ emọ riẹ nọ e be gwọlọ emu* bẹ hẹ.+
26 O re momo kẹ ahwo odode,*+Yọ emọ riẹ i ti wo eghale.
ס [Samẹk]
27 Siobọno oware uyoma re who ru oware uwoma,+Whọ vẹ te rria bẹdẹ bẹdẹ.
28 Keme Jihova o you uvioziẹ,Yọ o ti gbabọkẹ enọ e talamu ei hi.+
ע [Ayin]
Ọ te sẹro rai ẹsikpobi;+Rekọ a ti kpe uyẹ ahwo omuomu na no.+
29 Ahwo okiẹrẹe na a te rọ otọakpọ na reuku,+Yọ a te rriae bẹdẹ bẹdẹ.+
פ [Pe]
30 Unu ohwo okiẹrẹe o rẹ ta ẹme areghẹ,*Yọ ẹrọo riẹ ọ rẹ ta ẹme uvioziẹ.+
31 Uzi Ọghẹnẹ riẹ o rrọ udu riẹ;+O re zoruẹ hẹ evaọ onya riẹ.+
צ [Sade]
32 Ohwo omuomu o bi rri ohwo okiẹrẹe kiọkiọkiọ,Be gwọlọ epanọ o re ro kpei no.
33 Rekọ Jihova o ti vu ei wa kẹ ohwo yena ha+Yọ ọ te reabe he okenọ a te rehọ iẹe guẹdhọ.+
ק [Kof]
34 Fi ẹruore ra họ Jihova re who lele edhere riẹ,Ọ rẹ te kpare owhẹ kpehru re whọ rọ otọakpọ na reuku.
Okenọ a ti kpe ahwo omuomu na no,+ whọ te ruẹ e riẹ.+
ר [Resh]
35 Mẹ ruẹ ohwo omuomu nọ ọ rrọ eva gagaNọ ọ be rro ọvo wọhọ okpure nọ ọ rrọ otọ nọ ọ dhẹ no ze.+
36 Rekọ idudhe na, o te whu no, a gbẹ ruẹ e riẹ hẹ;+Mẹ jẹ gwọlọ iẹe, rekọ mẹ ruẹ e riẹ hẹ.+
ש [Shin]
37 Muẹrohọ ohwo nọ ọ kare afuẹwẹ,*Jẹ tẹrovi ohwo nọ o kiete na,+Keme ohwo yena o ti wo udhedhẹ evaọ obaro.+
38 Rekọ a ti kpe erahaizi na kpobi no;A te raha ahwo omuomu na no evaọ obaro.+
ת [Tọọ]
39 Jihova họ ọnọ o re siwi ahwo okiẹrẹe na;+Ọye họ oria adhẹzọ rai evaọ oke uye.+
40 Jihova o ti fiobọhọ kẹ ae jẹ thọ ae.+
Ọ te thọ ae no obọ ahwo omuomu je siwi ai,Keme a dhẹ bru ei ze re a zọ.+
Eme-Obotọ
^ Hayo “Jọ oma o rrorro owhẹ.”
^ Hayo “ẹkwotọ.”
^ Hayo “Wo oghọghọ nọ o mae rro.”
^ Evaọ Hibru, “Ghelie edhere.”
^ Hayo “odiri.”
^ Hayo o sae jọ nọ, “Who mu ofu hu, keme oware uyoma ovo u re noi ze.”
^ Hayo “otọakpọ na o te jọ orai.”
^ Hayo “je thuru ufi fihọ.”
^ Hayo “ọ riẹ edẹ uzuazọ ahwo nọ a kare afuẹwẹ.”
^ Hayo “dhesẹ aruoriwo kẹ ahwo”
^ Hayo “o re ru awọ ohwo ga.”
^ Hayo “ọ rẹ rọ obọ riẹ kru rie.”
^ Hayo “ebrẹdi.”
^ Hayo “ẹsikpobi.”
^ Hayo “Ohwo okiẹrẹe ọ rẹ rọ unu kpotọ ta eme areghẹ; o re roro didi.”
^ Hayo “ohwo nọ o kru ẹgbakiete riẹ.”
