Ilezi 139:1-24
Rọkẹ ọnọ o wuzou ile na. Orọ Devidi. Ole.
139 O Jihova, whọ kiẹ omẹ riwi ziezi no, yọ whọ riẹ omẹ.+
2 Whọ riẹ okenọ mẹ rẹ rọ keria gbe okenọ mẹ rẹ rọ kpama.+
Whọ rẹ jọ ugbo vuhu iroro mẹ mu.+
3 Who re muẹrohọ* omẹ nọ me te bi kpohọ erẹ gbe okenọ me kiẹzẹ;Whọ riẹ oware kpobi nọ me bi ru.*+
4 Makọ ẹme nọ mẹ re ta no unu ze dede heO Jihova, whọ riẹ riẹ ziezi no.+
5 Te emu te aro mẹ, who di ogba wariẹ omẹ họ;Yọ whọ rehọ obọ ra kpahe omẹ.
6 Eriariẹ yena e rro vi oware nọ me re wo.*
I kpehru vi omẹ.*+
7 Bovẹ mẹ rẹ sae dhẹ kpohọ siọ ẹzi ra ba,Kọ bovẹ mẹ rẹ dhẹ nya nọ whọ gbẹ ruẹ omẹ hẹ?+
8 Me te muvrẹ kpobọ odhiwu, whọ te jọ obei,Yọ mẹ tẹ hwa ehwa mẹ fihọ obọ Uki,* rri! whọ te jọ obei.+
9 Mẹ tẹ rra vrẹ evaọ irioke frifri*Nyae rria abade nọ ọ mai thabọ,
10 Whọ te rọ obọ ra su omẹ evaọ obei gheleYọ whọ te rọ obọze ra kru omẹ.+
11 Mẹ tẹ ta nọ: “Ebi o ti ruru omẹ hrọ!”
Kẹsena aso nọ ọ wariẹ omẹ họ na o ve zihe ruọ elo.
12 Makọ ebi na o ti bi hrọ kẹ owhẹ hẹ,Rekọ aso ọ te jọ vevẹ wọhọ oke uvo;+Ebi ọ wọhọ elo kẹ owhẹ.+
13 Keme whẹ họ ọnọ o ru ibieku mẹ;Whọ kuọ omẹ dhere* evaọ edhede oni mẹ.+
14 Me jiri owhẹ keme oghẹrẹ nọ whọ ma omẹ u gbunu jẹ vọ avọ ọwhewhe.+
Iruo ra i gbunu,+Mẹ riẹ* onana ziezi.
15 Igbenwa mẹ i dhere owhẹ hẹOkenọ whọ rọ ma omẹ evaọ oria nọ u siomano,Okenọ who ro zuo omẹ kugbe evaọ eria ididi akpọ na.+
16 Makọ okenọ mẹ jọ edhede,* ibiaro ra e ruẹ omẹ;Who kere abọ sa-sa oma mẹ kpobi fihọ obe raEvaọ edẹ nọ whọ rọ ma ae,Taure e tẹ te jọ.
17 Fikiere rọkẹ omẹ, iroro ra e ghare kẹhẹ!+
O Ọghẹnẹ, i bu wo umuo ho!+
18 Mẹ tẹ ta nọ me re kele ai, i bu vi uwẹkpẹ.+
Nọ mẹ tẹ rọwo ze, yọ mẹ gbẹ rrọ kugbe owhẹ.*+
19 O Ọghẹnẹ, dodokọ who re kpe ahwo omuomu na no!+
Kẹsena ahwo ozighi* a vẹ kẹ omẹ uvẹ,
20 Ahwo nọ a rẹ rọ eva iyoma* ta ẹme wọso owhẹ;Enana yọ ewegrẹ ra nọ e rẹ rehọ odẹ ra ru ugberuo.+
21 Kọ me gbe mukpahe enọ i mukpahe owhẹ, O Jihova,+Je bi rri enọ e be kpareso owhẹ tọtọtọ?+
22 Me mukpahe ae no eva mẹ kpobi ze;+A zihe ruọ ewegrẹ ilogbo mẹ no.
23 Kiẹ omẹ riwi, O Ọghẹnẹ, re whọ riẹ oware nọ o rrọ udu mẹ.+
Kiẹ omẹ riwi ziezi re whọ riẹ iroro nọ e be kẹ omẹ uye.*+
24 Rri omẹ sọ oware jọ nọ o rẹ wha enwoma ze o rrọ omẹ udu,+Re who su omẹ+ evaọ edhere ebẹdẹ bẹdẹ.
Eme-Obotọ
^ Evaọ Hibru, “Whọ rẹ ma.”
^ Hayo “idhere mẹ kpobi.”
^ Hayo “E rro vi enọ me re wo otoriẹ rai.”
^ Hayo “i gbe omẹ unu thesiwa.”
^ Evaọ Hibru, “rọ ibekpe oke nọ o ke rra vrẹ.”
^ Hayo o sae jọ nọ, “Who zuo omẹ kugbe.”
^ Hayo “okenọ mẹ gbẹ jọ ọmọ nọ ọ rrọ obọ eva.”
^ Hayo o sae jọ nọ, “yọ me gbe bi kele ai.”
^ Hayo “ahwo nọ e reabe azẹ.”
^ Hayo “rọ oghẹrẹ nọ a roro.”
^ Hayo “nọ e be lẹliẹ udu bru omẹ.”
