Ilezi 88:1-18
Ole. Olezi emezae Kora.+ Ro se ọnọ o wuzou ile na; lele oghẹrẹ nọ Mehalat* ọ rrọ, onọ a rẹ so jẹ za kẹ ohwohwo. Maskil* orọ Himan+ ohwo uyẹ Ẹzra.
88 O Jihova, Ọghẹnẹ esiwo mẹ,+Evaọ uvo me bi bo via,Yọ evaọ aso mẹ be ziọ aro ra.+
2 Jọ olẹ mẹ u te owhẹ oma,+Fi ezọ ra hotọ* kẹ oviẹ mẹ kẹ obufihọ.+
3 Keme uye o rehọ oma* mẹ kpobi no,+Yọ uzuazọ mẹ u te obọ Uki* re no.+
4 A kele omẹ kugbe ahwo nọ a be ruọ eva ọgọdọ* no;+Me zihe ruọ oruori* no,+
5 Ọnọ a nyaseba udevie enọ i whu noWọhọ ahwo nọ a kpe nọ a wọ fihọ uki,Enọ whọ gbẹ be kareghẹhọ họEnọ a hẹriẹ no usu ahwo nọ whọ be rẹrote* no.
6 Who fi omẹ họ ọgọdọ nọ ọ mai kodo,Evaọ eria ebi, evaọ ọgọdọ odidi ologbo.
7 Ofu ra ọ gbẹdẹ vi omẹ oma,+Yọ ẹkporo ra nọ o bi fi omẹ ọ ga thesiwa. (Silah)
8 Who le egbẹrioma mẹ thabọ no omẹ;+Who ru omẹ fihọ ohwo nọ o bi tu ai oma.
A kare omẹ dhe no, mẹ sae dhẹ vabọ họ.
9 Ibiaro mẹ e joma tu no fiki oja-oriọ.+
Me bi bo se owhẹ ẹsikpobi,* O Jihova;+Whẹ mẹ kpare abọ mẹ bru.
10 Kọ who re ru eware igbunu kẹ ahwo nọ a whu no?
Kọ enọ i whu no nọ i wo ogaga ovo ho a sae kpama jiri owhẹ?+ (Silah)
11 Kọ a rẹ sae jọ obọ uki ta kpahe uyoyou ra nọ o rẹ hiẹ hẹ,Hayo jọ oria ọraha* whowho ọtẹruo ra?
12 Kọ a rẹ jọ evaọ ebi ruẹ iruo igbunu raHayo ruẹ ẹrẹreokie ra evaọ ẹkwotọ nọ a rẹ jọ kareghẹhọ oware ovo* ho?+
13 Rekọ me gbe bi bo se owhẹ rọkẹ obufihọ, O Jihova,+Kohiohiẹ kohiohiẹ olẹ mẹ u bi bru owhẹ ze.+
14 O Jihova, fikieme whọ rọ siọ omẹ?*+
Fikieme whọ rọ kuọ ovao ra dhere omẹ?+
15 No anwọ oke uzoge mẹ ze,Mẹ be reoja, enwenọ uwhu mẹ rrọ;+Oma mẹ u whu fihọ kpimẹ fiki eware iyoma nọ whọ kuvẹ nọ mẹ reoja rai.
16 Ofu ọgaga ra ọ ga vi omẹ oma;+Idudu ra i kpe omẹ no.
17 E wariẹ omẹ họ ẹsikpobi wọhọ ame obuobu;I bi tunye no tabọ tabọ bru omẹ ze.*
18 Who le egbẹnyusu mẹ gbe erivẹ mẹ thabọ no omẹ;+Ebi o zihe ruọ ọrivẹ mẹ no.
Eme-Obotọ
^ Hayo “Ruwẹ re whọ gaviezọ.”
^ Hayo “uki.”
^ Hayo “Me zihe ruọ ọnọ ọ wọhọ ohwo nọ o wo ẹgba ha.”
^ Evaọ Hibru, “Enọ a hẹriẹ no obọ ra.”
^ Hayo “evaọ okpẹdoke na soso.”
^ Hayo “Abadọn.”
^ Hayo “ohwo ọvo.”
^ Hayo o sae jọ nọ, “I bi tunye bru omẹ ze ẹsiẹvo.”
