Ilezi 27:1-14

  • Jihova họ oria omofọwẹ mẹ

    • Edẹro kẹ etẹmpol Ọghẹnẹ (4)

    • Jihova ọ rẹ rẹrote makọ enọ esẹgbini a se (10)

    • “Fi ẹruore ra họ Jihova” (14)

Orọ Devidi 27  Jihova họ elo mẹ+ gbe esiwo mẹ. Ono mẹ rẹ dhozọ riẹ?+ Jihova họ oria omofọwẹ kẹ uzuazọ mẹ.+ Ono ozọ riẹ u re mu omẹ?   Okenọ ahwo omuomu a wọ ze re a kpe omẹ no,+Ahwo nọ a be wọso omẹ gbe ewegrẹ mẹ họ enọ i zoruẹ je kie.   Egbaẹmo e tẹ make fa evuẹ wariẹ omẹ họ re a họre omẹ,Ozọ u re mu omẹ hẹ.+ O tẹ make rọnọ a rẹ wọ ẹmo bru omẹ ze dede,Udu o rẹ gbẹ jọ omẹ awọ ghele.   Oware ovo mẹ yare Jihova no,Yọ oye me bi rẹro riẹRe mẹ rria uwou Jihova evaọ edẹ uzuazọ mẹ kpobi,+Re mẹ tẹrovi ewoma* JihovaJe rri etẹmpol* riẹ avọ edẹro.*+   Keme o ti si omẹ no fihọ uwou riẹ evaọ ẹdẹ okpẹtu;+Ọ te ko omẹ dhere oria nọ u siomano, uwou-udhu riẹ;+O ti fi omẹ họ obehru ugbehru-utho.+   Enẹna mẹ kparobọ* vi ewegrẹ mẹ nọ e wariẹ omẹ họ no;Me ti dhe idhe evaọ uwou-udhu riẹ avọ ubo oghọghọ;Mẹ te so ile jiri* Jihova.   Gaviezọ kẹ omẹ, O Jihova, nọ me te bo via;+Rri omẹ aro re who yo kẹ omẹ.+   Udu mẹ o vuẹ omẹ oware nọ whọ ta inọ: “Daoma gwọlọ ovao mẹ ruẹ.” Mẹ te ginẹ gwọlọ ovao ra ruẹ, O Jihova.+   Ivie whọ kuọ ovao ra dhere omẹ hẹ.+ Whọ rọ evedha le odibo ra vrẹ hẹ. Whẹ họ ofiobọhọ mẹ;+Who kiukeku omẹ hayo nyasiọ omẹ ba ha, Ọghẹnẹ esiwo mẹ. 10  O tẹ make rọnọ ọsẹ gbe oni mẹ a gbabọkẹ omẹ dede,+Jihova omariẹ o ti kru omẹ rehọ.+ 11  Wuhrẹ omẹ idhere ra, O Jihova,+Su omẹ evaọ edhere ẹrẹreokie* fiki ewegrẹ mẹ. 12  Ivie who siobọno omẹ kẹ ahwo* nọ a be wọso omẹ hẹ,+Keme isisẹri erue a bi se isẹri kpe omẹ,+Yọ a be wọ ozighi bru omẹ ze. 13  Diẹse mẹ hae te jọ ogbẹrọnọ me wo ẹrọwọ họInọ mẹ te ruẹ ewoma Jihova evaọ ẹkwotọ enọ e rrọ uzuazọ?*+ 14  Fi ẹruore ra họ Jihova;+Wo udu je kru oma ga.+ Ẹhẹ, fi ẹruore ra họ Jihova.

Eme-Obotọ

Hayo “erru.”
Hayo “oria aruẹri.”
Hayo “yọ me bi roro kpahe iẹe; avọ omaweromẹ.”
Evaọ Hibru, “uzou mẹ u kpehru.”
Hayo “Me ti kporo ile kẹ.”
Hayo “nọ o kiete.”
Evaọ Hibru, “nifẹsh ahwo.” Rri oria Otofa Eme.
Hayo o sae jọ nọ, “Me gine wo ẹrọwọ inọ mẹ te ruẹ ewoma Jihova evaọ otọakpọ na.”