Ilezi 77:1-20

  • Olẹ evaọ oke uye

    • Roro didi kpahe iruo Ọghẹnẹ (11, 12)

    • ‘O Ọghẹnẹ, ono ọ rro te owhẹ?’ (13)

Ro se ọnọ o wuzou ile na; ekporo Jedutọn.* Orọ Esaf.+ Ole. 77  Mẹ te kpare urru mẹ bo se Ọghẹnẹ;Me ti bo se Ọghẹnẹ, yọ o ti yo urru mẹ.+   Okenọ mẹ tẹ rrọ uye, mẹ rẹ gwọlọ Jihova.+ Evaọ aso, mẹ rẹ rriẹ abọ mẹ kẹe ababọ eriosehọ.* Mẹ* rẹ sai wo omosasọ họ.   Mẹ tẹ kareghẹhọ Ọghẹnẹ, me re dimẹ;+O rẹ kẹ omẹ uye, me re gbe wo ẹgba ha.*+ (Silah)   Whọ bẹre ibiaro* mẹ kpefihọ;Mẹ be rova, mẹ be sae ta ẹme he.   Iroro mẹ i kpohọ oke krẹkri nọ u kpemu,+Ikpe buobu nọ e vrẹ.   Mẹ kareghẹhọ ole mẹ* evaọ aso;+Me roro ziezi evaọ udu mẹ;+Mẹ romatotọ gwọlọ* otofa onana.   Kọ Jihova o gbolo omai kufiẹ no bẹdẹ bẹdẹ?+ Kọ ọ gbẹ te re ohrọ mai ofa?+   Kọ uyoyou riẹ nọ o rẹ hiẹ hẹ u kuhọ no bẹdẹ bẹdẹ? Kọ ọ te kpairoro vrẹ eyaa riẹ evaọ ige na kpobi?   Kọ Ọghẹnẹ ọ kpairoro vrẹ aruoriwo riẹ no,+Hayo kọ ofu riẹ o wha riẹ ze nọ o gbe bi dhesẹ ohrọ-oriọ họ? (Silah) 10  Kọ ẹsikpobi mẹ te hae ta nọ: “Oware nọ o be kẹ omẹ idhọvẹ* họ:+ Ọnọ Ọ Mai Kpehru na o nwene oghẹrẹ nọ o bi ro yeri kugbe omai* no”? 11  Mẹ te kareghẹhọ iruo Jah;Mẹ te kareghẹhọ eware igbunu nọ who ru evaọ oke krẹkri nọ u kpemu. 12  Me ti roro didi kpahe iruẹru ra kpobiJẹ romatotọ roro kpahe eware nọ who bi ru.+ 13  O Ọghẹnẹ, idhere ra e rrọ ọrẹri. O Ọghẹnẹ, kọ ọghẹnẹ vẹ ọ rro te owhẹ?+ 14  Whẹ họ Ọghẹnẹ uzẹme na, ọnọ o re ru eware igbunu.+ Who dhesẹ ẹgba ra via kẹ ahwo no.+ 15  Whọ rọ ogaga* ra siwi* ahwo ra no,+Emezae Jekọp gbe erọ Josẹf. (Silah) 16  Ame obuobu na ọ ruẹ owhẹ, O Ọghẹnẹ;Ame obuobu na ọ ruẹ owhẹ o te muhọ ẹvohẹ.+ Ame odidi na o te muhọ ẹrova. 17  Ẹgho o te hwẹ ame ze. Ehru nọ o bi na ọ tẹ va egbrara,Whọ tẹ be sa ese ra kpenẹ avọ enẹ.+ 18  Edo egbrara+ ra o jọ wọhọ orọ etẹ akẹkẹ;Elo egbrara o lo fihọ otọakpọ* na kpobi;+Otọakpọ na o te nuhu jẹ bẹre.+ 19  Who fi edhere họ abade na,+Who fi edhere họ udevie ame obuobu na;Rekọ ohwo ọvo ọ ruẹ ithihi awọ ra ha. 20  Who su ahwo ra wọhọ uthuru erao,+Whọ rọ* Mosis avọ Erọn su ai.+

Eme-Obotọ

Rri oria Otofa Eme.
Evaọ Hibru, “yọ i re mu irirẹ hẹ.”
Evaọ Hibru, “Nifẹsh mẹ ọ.” Rri oria Otofa Eme.
Evaọ Hibru, “oma o rẹ lọhọ ẹzi mẹ.”
Hayo “ikuele-aro; ikparo.”
Hayo “ikporakporo akpata mẹ.”
Evaọ Hibru, “Ẹzi mẹ ọ romatotọ gwọlọ.”
Hayo “u bi duwu omẹ.”
Evaọ Hibru, “o nwene obọze riẹ kẹ omai.”
Evaọ Hibru, “ugbobọ.”
Evaọ Hibru, “ta.”
Hayo “otọ.”
Evaọ Hibru, “Whọ rọ obọ.”