Ilezi 146:1-10
146 Wha jiri Jah!*+
Jọ oma* mẹ kpobi* u jiri Jihova.+
2 Me ti jiri Jihova evaọ edẹ uzuazọ mẹ kpobi.
Mẹ te so ile jiri* Ọghẹnẹ mẹ evaọ etoke uzuazọ mẹ kpobi.
3 Who fievahọ ikpahwo-esuo* hoHayo ọmọ ohwo-akpọ họ, ọnọ ọ rẹ sae wha esiwo ze he.+
4 Nọ ẹzi* riẹ o te noi oma no, o ve zihe kpohọ otọ;+Ẹdẹdẹ yena iroro riẹ e vẹ raha.+
5 Jọ eva e were ohwo nọ Ọghẹnẹ Jekọp o bi fiobọhọ kẹ,*+Ọnọ o fi ẹruore riẹ họ Jihova Ọghẹnẹ riẹ,+
6 Ọnọ ọ ma odhiwu gbe otọakpọ na,Abade na, gbe eware kpobi nọ e rrọ eva rai,+Ọnọ a rẹ sai fievahọ ẹsikpobi na,+
7 Ọnọ o bi ru re a bru uvioziẹ kẹ enọ a fi iwhayo,Ọnọ ọ be rọ emu kẹ enọ ohọo u bi kpe.+
Jihova o bi si ahwo no uwou-odi.*+
8 Jihova o bi rovie ibiaro enọ i tuaro;+Jihova ọ be kpare enọ i gbuzou hotọ;+Jihova o you ikiẹrẹe na.
9 Jihova ọ be thọ erara nọ e be rria ẹkwotọ na;Ọ be rẹrote ọmọ nọ o wo ọsẹ hẹ gbe aye-uku,+Rekọ ọ rẹ raha omaa ahwo omuomu.*+
10 Jihova ọ te jọ Ovie bẹdẹ bẹdẹ,+Ọghẹnẹ ra, O Zayọn ọ te jọ Ovie no oge ruọ oge.
Wha jiri Jah!*
Eme-Obotọ
^ Hayo “Aleluya!; Halelujah!” “Jah” yọ ubro odẹ na Jihova.
^ Hayo “uzuazọ mẹ kpobi.”
^ Hayo “Me ti kporo ile kẹ.”
^ Hayo “ikpahwo.”
^ Hayo “ẹwẹ.”
^ Hayo “ọ rrọ ofiobọhọ riẹ.”
^ Evaọ Hibru, “ọ be ra ifi no enọ a gba.”
^ Hayo “o re ru edhere ahwo omuomu jọ gẹgẹle.”
^ Hayo “Aleluya!; Halelujah!” “Jah” yọ ubro odẹ na Jihova.
