Proverbat 27:1-27

  • Korrigjimi i një shoku është i dobishëm (5, 6)

  • Biri im, gëzoma zemrën (11)

  • Hekuri mpreh hekurin (17)

  • Njihe kopenë tënde (23)

  • Pasuria nuk zgjat përgjithmonë (24)

27  Mos u mburr për të nesërmen,sepse nuk e di ç’do të sjellë dita.*+   Le të të lëvdojë një tjetër,* dhe jo goja jote,të tjerët,* dhe jo buzët e tua.+   Guri është i rëndë, e po ashtu edhe rëra,por acarimi që shkakton i marri, të rëndon më shumë se të dy bashkë.+   Tërbimi është mizor dhe zemërimi i furishëm,*por kush mund t’i bëjë ballë xhelozisë?*+   Më mirë një korrigjim i hapur, se një dashuri e fshehur.+   Më mirë plagët që të hap një shok besnik,+se puthjet e pasosura* të armikut.   Kush është* i ngopur, i bën naze* mjaltit të hojeve,por atij që ka uri,* edhe ajo që është e hidhur i duket e ëmbël.   Si një zog që endet* larg folesë së tij,është ai që endet larg shtëpisë së vet.   Vaji dhe temjani e gëzojnë zemrën,edhe miqësia e ëmbël që buron nga këshilla të sinqerta.*+ 10  Mos e braktis shokun tënd, as shokun e babait tënd,e në ditë të keqe, mos shko në shtëpinë e vëllait tënd,sepse është më mirë një fqinj pranë, se një vëlla larg.+ 11  Ji i mençur, biri im, dhe gëzoma zemrën,+që t’i përgjigjem atij që më përbuz.*+ 12  Mendjemprehti e dallon rrezikun dhe fshihet,+kurse i papërvoji shkon përpara dhe vuan pasojat.* 13  Nëse një burrë del garant për një të panjohur, merri rrobën;nëse bën po njësoj për një grua të huaj,* merri një peng.+ 14  Nëse i uron shëndet* tjetrit me zë të lartë në mëngjes herët,do t’i duket sikur po e mallkon. 15  Si çatia që pikon pa pushim në ditë shiuështë një bashkëshorte grindavece.*+ 16  Kush mund ta mbajë atë nën fre,mund të mbajë nën fre erën e të kapë vajin me dorë.* 17  Ashtu si hekuri mpreh hekurin,edhe njeriu e mpreh* shokun e vet.*+ 18  Kush kujdeset për fikun, do t’ia shijojë frytet,+dhe kush kujdeset për zotërinë e tij, do të nderohet.+ 19  Siç pasqyron uji fytyrën e njeriut,edhe zemra e njërit pasqyron zemrën e tjetrit. 20  Varri dhe vendi i kalbjes* s’kanë të ngopur;+as sytë e njeriut s’kanë të ngopur. 21  Siç rafinohet argjendi në kazan dhe ari në furrë,+edhe njeriu vihet në provë* nga lëvdatat që merr. 22  Edhe nëse e bën të marrin grimca-grimca me një shtypësesi grurë të thërrmuar në havan,*marrëzia nuk do t’i largohet. 23  Duhet ta njohësh mirë gjendjen e kopesë sate. Kujdesu mirë për delet e tua,*+ 24  sepse pasuria nuk zgjat përgjithmonë,+as kurora* brez pas brezi. 25  Bari i gjelbër thahet, bari i ri mbin,dhe bimësia e maleve mblidhet për bagëtinë. 26  Nga deshtë e rinj do të sigurosh veshje,dhe nga cjeptë, çmimin e arës; 27  do të kesh edhe mjaft qumësht dhie për ushqim,për të ushqyer familjen dhe shërbëtoret e tua.

Shënime në fund të faqes

Fjalë për fjalë «ç’do të sjellë në jetë dita».
Fjalë për fjalë «një i panjohur».
Fjalë për fjalë «një i huaj».
Ose «si ujëra vërshuese».
Ose «smirës?»
Një mundësi tjetër «e shtirura; jo të sinqerta».
Ose «Një shpirt».
Fjalë për fjalë «e shkel me këmbë».
Ose «shpirtit të uritur».
Ose «ikën».
Ose «të dhëna me gjithë shpirt».
Ose «më sfidon».
Ose «e paguan shtrenjtë».
Ose «për një të huaj».
Fjalë për fjalë «e bekon».
Ose «zevzeke; që të ha shpirtin».
Fjalë për fjalë «me dorën e djathtë».
Ose «e përmirëson».
Fjalë për fjalë «fytyrën e shokut të vet».
Ose «Sheoli dhe vendi i shkatërrimit; Sheoli dhe Abadoni».
Ose «tregon kush është vërtet».
Ose «Jepu me gjithë zemër pas deleve të tua; Kushtoju vëmendje deleve të tua».
Ose «diadema».