Proverbat 20:1-30

  • Vera të bën qesharak (1)

  • Përtaci nuk e punon tokën në dimër (4)

  • Mendimet e njeriut janë si ujëra të thella (5)

  • Paralajmërim kundër zotimeve të nxituara (25)

  • Lavdia e të rinjve është fuqia e tyre (29)

20  Vera të bën qesharak+ dhe alkooli të pashtruar;+kushdo që del nga rruga e drejtë prej tyre, nuk është i mençur.+   Tmerri që ngjall mbreti, është si ulërima e luanit;*+kush provokon zemërimin e tij, rrezikon jetën e vet.+   Është nder për njeriun t’i shmangë debatet,+por i marri përzihet në to.+   Përtaci nuk e punon tokën në dimër,prandaj do të lypë gjatë të korrave, kur të mos ketë gjë.*+   Mendimet* e zemrës së njeriut janë si ujëra të thella,por njeriu me aftësi dalluese i nxjerr në sipërfaqe.   Shumë thonë se kanë dashuri besnike,por kush mund të gjejë një njeri vërtet besnik?!   I drejti ecën me integritet.*+ Sa të lumtur janë fëmijët* e tij!+   Kur ulet në fron për të gjykuar,+mbreti e shoshit* gjithë të keqen me një vështrim.+   Kush mund të thotë: «E kam pastruar zemrën,+ jam i kulluar, pa mëkat.»+ 10  Peshat me hile dhe masat e mangëta,*janë që të dyja të neveritshme për Jehovain.+ 11  Edhe fëmija* njihet nga veprimet e tij,në ka sjellje të pafajshme* dhe të drejtë.+ 12  Si veshin që dëgjon, edhe syrin që shikon,që të dy i ka bërë Jehovai.+ 13  Mos e duaj gjumin, përndryshe të pret skamja;+hapi sytë dhe do të ngopesh me bukë.+ 14  «S’qenka gjë, s’qenka gjë!»—thotë blerësi,pastaj largohet dhe mburret për blerjen.+ 15  Dikush mund të ketë ar dhe plot korale,*por buzët e njohurisë janë më të çmuara.+ 16  Nëse një burrë del garant për një të panjohur, merri rrobën;+nëse bën po njësoj për një grua të huaj,* merri një peng.+ 17  Buka e fituar me hile, i shijon njeriut,por pastaj ia lë gojën plot zhavorr.+ 18  Kur konsultohesh,* planet realizohen me sukses,*+prandaj luftën bëje nën udhëheqje të mençur.*+ 19  Kush e ka gjuhën të gjatë,* shkon vërdallë për të treguar bisedat e bëra në mirëbesim.*+ Mos u shoqëro me një që vdes të merret me thashetheme!* 20  Atij që mallkon babanë dhe nënën,do t’i shuhet llamba kur të bjerë errësira.+ 21  Trashëgimia e fituar me lakmi në fillim,s’ka për të qenë bekim në fund.+ 22  Mos thuaj: «Do ta kthej të keqen me të keqe!»+ Shpreso te Jehovai,+ dhe ai do të të shpëtojë.+ 23  Peshat me hile janë të neveritshme* për Jehovain,dhe peshoret e rreme janë të këqija për të. 24  Jehovait i takon të drejtojë hapat e njeriut.+ Si mund ta dallojë, pra, njeriu udhën e vet?* 25  Është lak për njeriun të thotë pa u menduar: «Është e shenjtë!»,+dhe t’i shqyrtojë zotimet vetëm pasi t’i ketë marrë.+ 26  Mbreti i mençur i shoshit të ligjtë+dhe i ndan veç si ndahet byku nga gruri.+ 27  Fjalët* e njeriut janë llamba e Jehovait,e cila hedh dritë në skutat më të thella të zemrës. 28  Dashuria besnike dhe e vërteta* e mbrojnë mbretin;+me anë të dashurisë besnike e bën fronin të patundur.+ 29  Lavdia e të rinjve është fuqia e tyre,+dhe shkëlqimi i të moshuarve janë flokët e bardhë.+ 30  Të vrarat dhe plagët e zhdukin* të keqen,+dhe të goditurat pastrojnë skutat më të thella të zemrës.

Shënime në fund të faqes

Ose «e një luani të ri me krifë».
Një mundësi tjetër «do të kërkojë gjatë të korrave, por nuk do të gjejë gjë».
Ose «Qëllimet».
Fjalë për fjalë «bijtë».
Ose «e dallon».
Ose «Dy lloje gurësh peshash dhe dy lloje enësh matëse».
Ose «djali».
Ose «të dëlirë».
Ose «për një të huaj».
Ose «Me këshilla; Kur kërkohen këshilla».
Ose «bëhen të sigurta».
Ose «nën drejtimin e një këshilluesi të aftë».
Ose «Një shpifës».
Ose «në konfidencë».
Ose «që të bën për vete me fjalë!»
Ose «Dy lloje gurësh peshash janë të neveritshëm».
Ose «cilën udhë të marrë?»
Fjalë për fjalë «Fryma».
Ose «besnikëria».
Ose «e spastrojnë».