Proverbat 24:1-34

  • Mos i ki zili të ligjtë (1)

  • Shtëpia ndërtohet me mençuri (3)

  • I drejti mund të bjerë, por do të ngrihet (16)

  • Mos ia kthe tjetrit me të njëjtën monedhë (29)

  • Dremitja të varfëron (33, 34)

24  Mos i ki zili të ligjtë,dhe mos e dëshiro shoqërinë e tyre,+   sepse zemra e tyre mendon veç për dhunë,dhe buzët e tyre kurdisin të këqija.   Shtëpia ndërtohet* me mençuri+dhe bëhet e patundur me aftësi dalluese.   Falë njohurisë, dhomat e saj mbushenme lloj-lloj thesaresh të çmuara e të bukura.+   Njeriu i mençur ka forcë,+dhe falë njohurisë, njeriu bëhet edhe më i fortë.   Luftën bëje nën udhëheqje të mençur,*+sepse ku ka shumë këshilltarë, ka fitore.*+   Mençuria e vërtetë është e paarritshme për të marrin;+ai nuk ka asgjë për të thënë te porta e qytetit.   Ai që thur të liga,do të quhet mjeshtër intrigash.+   Intrigat e të marrit të çojnë në mëkat,dhe njerëzit e urrejnë tallësin.+ 10  Po të shkurajohesh në ditë të keqe,*fuqia jote do të jetë e paktë. 11  Çliroji ata që po i shpien drejt vdekjes,dhe shpëtoji ata që janë buzë masakrës.+ 12  Nëse thua: «Ne s’dinim gjë!»,a nuk e dallon Ai që shqyrton zemrat?*+ Po, Ai që të vëzhgon, do ta dijëdhe do ta shpërblejë secilin sipas veprave të veta.+ 13  Biri im, ha mjaltë, sepse është i mirë;mjalti i hojeve ka shije të ëmbël. 14  Po ashtu, dije se mençuria është e mirë për ty.*+ Po ta gjesh, do të kesh të ardhme,dhe nuk do të të shuhen shpresat.+ 15  O i pabesë, mos zër pusí afër shtëpisë së të drejtit,mos ia shkatërro vendin ku gjen prehje, 16  se edhe në rëntë i drejti shtatë herë, do të ngrihet përsëri,+kurse i ligu do të shembet përdhe nga të këqijat që do t’i bien.+ 17  Mos gëzo kur armiku yt bie,dhe zemra jote të mos gëzohet kur ai rrëzohet.+ 18  Përndryshe, Jehovai do ta shohë e nuk do t’i pëlqejë,dhe do ta largojë nga ai* zemërimin e vet.+ 19  Mos u acaro* për shkak të të këqijve,e mos i ki zili të ligjtë, 20  sepse s’ka të ardhme për të këqijtë+dhe llamba e të ligjve do të shuhet.+ 21  Biri im, ki nderim të thellë për Jehovain* dhe mbretin,+dhe mos u përziej me rebelët,*+ 22  sepse shkatërrimi i tyre do të vijë befas.+ Kush e di ç’të zeza do t’u sjellin* mbi kokë?+ 23  Edhe këto fjalë i përkasin të mençurit: nuk është mirë të mbash anë kur gjykon.+ 24  Popujt do ta mallkojnë dhe kombet do ta dënojnëatë që i thotë të ligut: «Ti je i drejtë.»+ 25  Por atyre që e korrigjojnë,+do t’u dalë për mirë e do të bekohen me bollëk.+ 26  Njerëzit do ta respektojnë* atë që përgjigjet me ndershmëri.*+ 27  Vër në vijë punët që ke përjashta dhe bëj gati çdo gjë në arë,e pastaj ndërto shtëpinë* tënde. 28  Mos dëshmo kundër tjetrit* pa baza+dhe mos i përdor buzët për t’i mashtruar të tjerët.+ 29  Mos thuaj: «Si ma bëri, ashtu do t’ia bëj. Do t’ia kthej me të njëjtën monedhë.»*+ 30  Kalova pranë arës së përtacit,+pranë vreshtit të atij që nuk ka gjykim të mirë.* 31  Vura re se e kishin mbytur barërat e këqija;toka ishte mbuluar me hithradhe muri prej guri ishte shembur.+ 32  Teksa e shihja, fillova të mendoja,e nga sa pashë, nxora këtë mësim:* 33  fli edhe pak, dremit edhe pak,rri edhe pak duarkryq për të pushuar, 34  dhe varfëria do të të vijë si kusar,skamja, si një burrë i armatosur.+

Shënime në fund të faqes

Ose «Familja forcohet».
Ose «nën drejtimin e një këshilluesi të aftë».
Ose «sukses; shpëtim».
Ose «në kohë të vështira».
Ose «motivet?»
Ose «është e ëmbël për shpirtin tënd».
Domethënë, armiku.
Ose «Mos u nxeh».
Fjalë për fjalë «frikësoju Jehovait». Shih Fjalorthin.
Ose «me ata që duan të sjellin ndryshime».
Domethënë, Jehovai dhe mbreti.
Fjalë për fjalë «do t’i puthin buzët».
Një mundësi tjetër «Një përgjigje e drejtpërdrejtë është si një puthje».
Ose «ngri familjen».
Ose «të afërmit». Shih Fjalorthin.
Ose «Kam për t’i larë hesapet me të».
Fjalë për fjalë «i mungon zemra».
Fjalë për fjalë «pranova disiplinën».