Psalmowo 18:1-50
Na henɔ la. Yehowa subɔla David ƒe ha si wòkpa na Yehowa le gbe si gbe Yehowa ɖee tso eƒe futɔwo katã si me kple Saul si me. Egblɔ be:+
18 Oo Yehowa, nye ŋusẽ, nyemelɔ̃a nu le gbɔwò o.+
2 Yehowae nye nye agakpe, nye mɔ́ sesẽ, kple nye Xɔnametɔ.+
Nye Mawue nye nye agakpe,+ eyae mesi tso,Nye akpoxɔnu kple nye xɔxɔ* ƒe dzo,* nye dedienɔƒe.+
3 Meyɔ Yehowa, ame si dze na kafukafu,Aɖem tso nye futɔwo si me.+
4 Ku ƒe kawo ɖe to ɖem;+Yakamewo ƒe tsiɖɔɖɔwo do ŋɔdzi nam.+
5 Tsiẽƒe* ƒe kawo ƒo xlãm;Ku ƒe mɔ̃tetrewo ƒo gom.+
6 Meyɔ Yehowa le nye xaxawo me,Eye mele ɣlidodo dzi na nye Mawu be wòaxɔ nam.
Ese nye gbe tso eƒe gbedoxɔ me,+Eye nye ɣlidodo be wòaxɔ nam la ɖo eƒe to me.+
7 Ale anyigba ʋãnya, eye wòʋuʋu kpekpekpe;+Towo ƒe anyinɔwo ʋuʋuEye wodzo kpekpekpe, elabena wodo dziku nɛ.+
8 Dzudzɔ de dzi tso eƒe ŋɔti me,Eye dzo flafla do tso eƒe nu me;+Dzoka xɔxɔwo tso egbɔ.
9 Eviã dziƒowo eye wòɖi ɖe anyi.+Eye blukɔ le eƒe afɔ te.+
10 Enɔ kerubi dzi dzo va.+
Eɖiɖi kaba le gbɔgbɔ* ƒe aʋalawo dzi.+
11 Etsyɔ blukɔ,+Tsiziwo kple alilikpo dodowo ƒo xlãe,+Abe agbadɔ ene.
12 Keklẽ si le eŋgɔ la meeKpetsi kple dzoka xɔxɔwo do tso va to alilikpoawo me.
13 Yehowa ɖe gbe le dziƒowo;+Dziƒoʋĩtɔ la na eƒe gbe ɖi+Le kpetsi kple dzoka xɔxɔwo me.
14 Eda eƒe aŋutrɔwo tsɔ ka wo hlẽ;+Eɖo eƒe dzikedzowo ɖa eye wòna wotɔtɔ.+
15 Tɔwo* gɔme dze;+Eye anyigba la ƒe agunuwo tsi ƒeƒle le wò bublu la ta, Oo Yehowa,Le esi wò ŋɔtimegbɔgbɔ gbɔ ɖe wo la ta.+
16 Edo asi ɖa tso dzi lém;Eye wòhem tso tsi goglowo me.+
17 Eɖem tso nye futɔ sesẽ la si me,+Tso ame siwo lé fum, siwo sesẽ wum la si me.+
18 Wodze dzinye le gbe si gbe vɔ̃ dzɔ ɖe dzinye,+Ke Yehowae nye nye ziɔɖeŋu.
19 Ekplɔm do goe yi dedienɔƒe;*Eɖem, elabena nye nu nyo eŋu.+
20 Yehowa ɖoa eteƒe nam le nye dzɔdzɔenyenye nu;+Eɖoa eteƒe nam elabena nye asiwo me dza.+
21 Elabena melé Yehowa ƒe mɔwo me ɖe asi,Eye nyemetrɔ le nye Mawu yome wònye vɔ̃ mewɔ ɖe eŋu o.
22 Eƒe ʋɔnudɔdrɔ̃wo katã le ŋkunyeme;Nyemedo vlo eƒe sewo o.
23 Manye ame maɖifɔ le eŋkume,+Eye makpɔ ɖokuinye dzi ɖe vodada ŋuti.+
24 Yehowa neɖo eteƒe nam le nye dzɔdzɔenyenye nu,+Le esi nye asi me dza le eŋkume ta.+
25 Èwɔa nuteƒe na ame si wɔa nuteƒe;+Èwɔa nu fɔmaɖitɔe ɖe ame maɖifɔ ŋu;+
26 Èdza na ame si dza,+Ke àdze aye ɖe ame si ƒe mɔ glɔ̃ ŋu.+
27 Elabena èxɔna na ame tsɛwo;*+Ke èbɔbɔa dadalawo* ɖe anyi.+
28 Oo Yehowa, wòe nana nye akaɖi klẽna,Nye Mawu si nana nye viviti me kɔna.+
29 Elabena wò kpekpeɖeŋu ana manya adzoha ɖe nu;+Le Mawu ƒe ŋusẽ me la, mate ŋu aflɔ gli.+
30 Mawu vavã la ƒe mɔ de blibo;+Yehowa ƒe nya dza.+
Akpoxɔnu wònye na ame siwo katã sinɛ tsona.+
31 Elabena Mawu kae li kpe ɖe Yehowa ŋu?+
Eye ame kae ganye agakpe? Ðe menye mía Mawu la ɖeɖe koe oa?+
32 Mawu vavã lae doa ŋusẽm,+Ana nye mɔ nade blibo.+
33 Ena nye afɔwo le abe zinɔ tɔ ene;Ena metsi tsitre ɖe teƒe kɔkɔwo.+
34 Efia aʋawɔwɔ nye asiwo;Ale be nye alɔwo nate ŋu abi akɔblidati.
35 Ètsɔ wò xɔxɔ ƒe akpoxɔnu nam,+Wò nuɖusi léam ɖe te,Eye wò ɖokuibɔbɔ doa gãm.+
36 Èkeke nye afɔɖoƒewo;Nye afɔwo maɖiɖi o.*+
37 Mati nye futɔwo yome, eye matu wo,Nyematrɔ o, va se ɖe esime wotsrɔ̃ keŋkeŋ hafi.
38 Magbã wo gudugudu, ale be fɔfɔ maganɔ wo ŋu o;+Woadze anyi ɖe nye afɔ te.
39 Àtsɔ ŋusẽ abla akpa nam ɖe aʋa la ŋu;Àna nye futɔwo nadze anyi ɖe tenye.+
40 Àna nye futɔwo nasi le nunye,*Eye mana ame siwo lé fum la nu nayi.+
41 Wodoa ɣli be woaxɔ na yewo, ke xɔnametɔ aɖeke meli o;Wodoa ɣli na Yehowa, ke metɔna na wo o.
42 Mato wo memie woanɔ abe ʋuʋudedi le ya nu ene;Matsɔ wo aƒu gbe abe kpɔdomeeba ene.
43 Àɖem tso ame siwo dia vodada le ŋunye la si me.+
Àɖom dukɔwo ƒe tatɔe.+
Dukɔ si nyemenya o la asubɔm.+
44 Nya si woase le ŋunye ɖeɖe ana woaɖo tom;Amedzroviwo ava bɔbɔ ɖe ŋkunyeme.+
45 Dzi aɖe le amedzroviwo ƒo;*Eye woanɔ ƒoƒom kpakpakpa ado tso woƒe bebeƒewo ava.
46 Yehowa le agbe! Woakafu nye Agakpe la,+
Woado nye xɔxɔ ƒe agakpe ƒe Mawu la ɖe dzi.+
47 Mawu vavã lae biaa hlɔ̃ nam;+Ebɔbɔa dukɔwo ɖe tenye.
48 Eɖeam tso nye futɔ siwo do dziku la si me;Èdoam ɖe dzi megbɔa ame siwo tso ɖe ŋunye la ta;+Èɖeam tso ŋutasẽla la si me.
49 Oo Yehowa, esia tae makafu wò le dukɔwo dome ɖo,+Eye madzi kafukafuha* na wò ŋkɔ la.+
50 Ewɔa xɔxɔdɔ gãwo na eƒe fia la;*+Eye wòɖea lɔlɔ̃ si nu metsina o fiaa eƒe amesiamina la,+Eɖenɛ fiana David kple eƒe dzidzimevi la tegbee.+
Etenuŋɔŋlɔ
^ Alo, “nye xɔnametɔ sẽŋu.”
^ Kpɔ Nya Tɔxɛwo Gɔmeɖeƒea.
^ Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
^ Alo, “ya.”
^ Alo, “Tɔʋuwo.”
^ Alo, “teƒe si keke.”
^ Alo, “ame siwo wote ɖe anyi.”
^ Egɔmeɖeɖe tẽe, “dadaŋkuwo.”
^ Alo, “afɔkɔewo nagagli o.”
^ Alo, “Àna nye futɔwo natrɔ ʋume dem.”
^ Alo, “Du bubu me tɔwo ƒe ŋusẽ avɔ.”
^ Alo, “maƒo ha.”
^ Alo, “Ena eƒe fia la kpɔ dziɖuɖu gãwo.”
