Psalmowo 10:1-18
ל [Lamed]
10 Oo Yehowa, nu ka tae nèle adzɔge ʋĩi?
Nu ka tae nèɣla ɖokuiwò le xaxaɣiwo?+
2 Ame vɔ̃ɖi tiaa wɔnamanɔŋutɔ yome dadatɔe,+Gake woalée le eya ŋutɔ ƒe nugbe si wòɖo la me.+
3 Elabena ame vɔ̃ɖi tsɔa eƒe ɖokuitɔdidi* ƒoa adegbee,+Eye wòkafua ŋuklẽla;*נ [Nun]
Medea bubu aɖeke Yehowa ŋu o.
4 Ame vɔ̃ɖi ƒe dada vivivo nana mebiaa Mawu ta sena o;Eƒe susu koe nye be, “Mawu aɖeke meli o.”+
5 Eƒe mɔwo dzea edzi nɛ ɣesiaɣi,+Gake wò ʋɔnudɔdrɔ̃wo kɔ gbɔ eƒe gɔmesese ŋu;+Ke eya ɖea alɔme le eƒe ketɔwo katã ŋu.*
6 Egblɔna le eƒe dzi me be: “Nyemaʋã* gbeɖe o;Vɔ̃ madzɔ ɖe dzinye akpɔ o,+Tso dzidzime yi dzidzime.”
פ [Pe]
7 Ðiŋudodo, amebeble kple ŋɔdzidodo yɔ nu me nɛ fũu;+Nya veamewo kple nya tɔamewo sɔŋ koe le eƒe aɖe te.+
8 Edea xa ɖe kɔƒewo xa;Enɔa xa me wua ame maɖifɔ.+
ע [Ayin]
Enɔa ŋu tsam na ame si mele ɖeke me nyam o la.+
9 Edea xa ɖe ɣaɣlaƒe abe dzata le eƒe bebeƒe* ene.+
Ede xa ɖi be yealé amemanɔsitɔ.
Ehea eƒe ɖɔ tsɔ léa amemanɔsitɔ la.+
10 Egbãnɛ hemiminɛ ɖe anyigba;Ame siwo menya o la dze eƒe fewo* me nublanuitɔe.
11 Egblɔna le eƒe dzi me be: “Mawu ƒe ŋku dzo le edzi.+
Etrɔ mo ɖe aga.
Mele ekpɔ ge akpɔ o.”+
ק [Kof]
12 Oo Yehowa, tso.+ Oo Mawu, kɔ wò asi dzi.+
Mègaŋlɔ ame tsiasiwo be o.+
13 Nu ka tae ame vɔ̃ɖi medea bubu Mawu ŋu o?
Egblɔna le eƒe dzi me be: “Màbia akɔntam o.”
ר [Res]
14 Gake èle fukpekpe kple xaxa teƒe kpɔm.
Wò ŋkuwo le nu siawo katã ŋu, eye wole asiwò me.+
Ŋuwòe amemanɔsitɔ la trɔna ɖo;+Xɔnametɔ nènye na tsyɔ̃eviwo.+
ש [Sin]
15 Ŋe alɔ na ame vɔ̃ɖi kple nu tovo wɔla la,+Ekema ne èdi eƒe nu vɔ̃ɖi wɔwɔwo la,Màgakpɔ ɖeke kura o.
16 Yehowa ye nye Fia tegbetegbee.+
Dukɔwo tsrɔ̃ ɖa le anyigba la dzi.+
ת [Taw]
17 Oo Yehowa, àɖo to ame fafawo ya ƒe dzimedidiwo.+
Àdo ŋusẽ woƒe dzi,+ eye wò to anɔ wo ŋu.+
18 Àtso afia na tsyɔ̃eviwo kple ame siwo woƒo ƒu anyi la,+Ne amegbetɔ si kuna nagado voɖi na wo azɔ o.+
Etenuŋɔŋlɔ
^ Alo, “luʋɔ ƒe didi.”
^ Agate ŋu afia, “Ŋuklẽla kafua eɖokui.”
^ Alo, “eɖoa ƒuƒu ɖe eƒe ketɔwo yome.”
^ Alo, “Nyemaʋuʋu.”
^ Alo, “le avekɔe me.”
^ Alo, “fe sesẽawo.”
