Psalmowo 75:1-10
-
Mawu drɔ̃a ʋɔnu ɖe eteƒe
-
Ame vɔ̃ɖiwo ano nu si le Yehowa ƒe kplu la me (8)
-
Na henɔ la. Kafukafuha, ɖe “Mègagblẽ Nu O” ƒe gbe nu. Asaf+ ƒe ha.
75 Míeda akpe na wò, Oo Mawu, míeda akpe;Elabena wò ŋkɔ tsɔ kpuiƒe,+Eye amewo le gbeƒã ɖem wò nukudɔwɔwɔwo.
2 Ègblɔ be: “Ne meɖo ɣeyiɣi la,Medrɔ̃ ʋɔnu ɖe eteƒe.
3 Esi anyigba la kple edzinɔlawo katã lólo gbanaa la,Nyee li ke eƒe sɔtiwo.” (Sela)
4 Megblɔ na adegbeƒolawo be, “Miganɔ adegbe ƒom o,”
Na ame vɔ̃ɖiwo be, “Migado miaƒe ŋusẽ* ɖe dzi o.
5 Migado miaƒe ŋusẽ* ɖe dzi glodzoo o,Eye miganɔ nu ƒom dadatɔe o.
6 Elabena menye ɣedzeƒe alo ɣetoɖoƒe alo anyieheYe dodoɖedzi tsona vana na ame o.
7 Elabena Mawu nye ʋɔnudrɔ̃la.+
Ebɔbɔa ame si ɖe anyi, eye wòdoa ame kemɛ ɖe dzi.+
8 Elabena kplu aɖe le Yehowa si me;+Wain si wotɔtɔ nyuie la le fu tem le eme.
Atrɔ aha si le eme la akɔ ɖi godoo,Eye ame vɔ̃ɖi siwo katã le anyigba la dzi anoe, eye woaɖuɖɔ ahaƒã si le egɔme la hã.”+
9 Ke nye la, maɖe gbeƒãe tegbee;Madzi kafukafuha* na Yakob ƒe Mawu la.
10 Elabena eyae gblɔ be: “Maɖe ame vɔ̃ɖiwo ƒe ŋusẽwo katã ɖa,”*Ke ame dzɔdzɔewo ya ƒe ŋusẽ* ade dzi.
Etenuŋɔŋlɔ
^ Egɔmeɖeɖe tẽe, “dzo.”
^ Egɔmeɖeɖe tẽe, “dzo.”
^ Alo, “Maƒo ha.”
^ Egɔmeɖeɖe tẽe, “Maŋe ame vɔ̃ɖiwo ƒe dzowo katã.”
^ Egɔmeɖeɖe tẽe, “dzowo.”
