Psalmowo 16:1-11
David ƒe miktam.*
16 Oo Mawu, kpɔ tanye, elabena wòe mesi tso.+
2 Megblɔ na Yehowa be: “Wòe nye Yehowa, wò ɖeka ko gbɔe nu nyuiwo tsona nam.
3 Ame kɔkɔe siwo le anyigba dzi,Siwo nye bubumewo ƒe nu nyoa ŋunye vevie.”+
4 Vevesesewo dzina ɖe edzi na ame siwo dzea mawu bubuwo yome.+
Nyemaƒo woƒe ʋuvɔsa ɖi na wo o,Eye nye nu mayɔ woƒe ŋkɔwo o.+
5 Yehowae nye nye gome, domenyinu si wodzidze nam+ kple nye kplu.+
Wòe kpɔa nye domenyinu la ta.
6 Wodzidze nyuiƒewo nam.
Nyateƒee, nye domenyinu la dze ŋunye.+
7 Makafu Yehowa, ame si ɖo aɖaŋu nam.+
Le zã me hã, nye dzimesusuwo* ɖɔam ɖo.+
8 Metsɔa Yehowa ɖoa ŋkunyeme ɖaa.+
Esi wòle nye ɖusime ta la, nyemaʋã* akpɔ o.+
9 Eya ta nye dzi le dzidzɔ kpɔm, nye ameti bliboa le aseye tsom.*
Eye manɔ* dedie.
10 Elabena màgblẽm* ɖe Tsiẽƒe* o.+
Màna wò nuteƒewɔla la nakpɔ yɔdo o.*+
11 Èna menya agbemɔ la,+
Dzidzɔ bɔ ɖe ŋkuwòme;+Vivisese le wò ɖusime tegbee.
Etenuŋɔŋlɔ
^ Kpɔ Nya Tɔxɛwo Gɔmeɖeƒea.
^ Alo, “seselelãme ememetɔwo.” Egɔmeɖeɖe tẽe, “ayikuwo.”
^ Alo, “nyemaʋuʋu.”
^ Egɔmeɖeɖe tẽe, “nye bubu atso aseye.”
^ Alo, “nye ŋutilã li.”
^ Alo, “màgblẽ nye luʋɔ.”
^ Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
^ Agate ŋu afia, “nanyunyɔ o.”
