Psalmowo 111:1-10
111 Mikafu Yah!*+
א [Alef]
Makafu Yehowa tso dzi blibo me+ב [Bet]
Le ame dzɔdzɔewo ƒe ƒuƒoƒo kple ha la dome.
ג [Gimel]
2 Yehowa ƒe dɔwɔwɔwo lolo;+ד [Dalet]
Ame siwo katã kpɔa dzidzɔ ɖe wo ŋu la srɔ̃a nu le wo ŋu.+
ה [He]
3 Bubu kple atsyɔ̃ sɔŋ ye nye eƒe dɔwɔwɔ,ו [Waw]
Eye eƒe dzɔdzɔenyenye li tegbee.+
ז [Zayin]
4 Enana woɖoa ŋku eƒe nukudɔwo dzi.+
ח [Het]
Yehowa nye veveseɖeamenula* kple nublanuikpɔla.+
ט [Tet]
5 Enaa nuɖuɖu ame siwo vɔ̃nɛ.+
י [Yod]
Eɖoa ŋku eƒe nubabla la dzi tegbee.+
כ [Kaf]
6 Eɖe eƒe nukudɔwo fia eƒe dukɔ laל [Lamed]
Esi wòtsɔ dukɔwo ƒe domenyinu na wo.+
מ [Mem]
7 Eƒe asinudɔwɔwɔwo le eteƒe hele dzɔdzɔe;+נ [Nun]
Kakaɖedzi le eƒe ɖoɖowo katã ŋu.+
ס [Samek]
8 Woate ŋu aɖo ŋu ɖe wo ŋu* ɖaa tegbee,ע [Ayin]
Ewɔ wo le nyateƒe kple dzɔdzɔenyenye me.+
פ [Pe]
9 Ena eƒe dukɔ la kpɔ ɖeɖe.+
צ [Tsade]
Ede se be yeƒe nubabla nanɔ anyi tegbee.
ק [Kof]
Eƒe ŋkɔ le kɔkɔe, eye vɔvɔ̃ le eŋu.+
ר [Res]
10 Yehowa vɔvɔ̃e nye nunya ƒe gɔmetoto.+
ש [Sin]
Ame siwo katã wɔa eƒe sewo dzi* la dzea nunya.+
ת [Taw]
Eƒe kafukafu li tegbee.
Etenuŋɔŋlɔ
^ Alo, “Haleluyah!” “Yah” nye ŋkɔ Yehowa ŋɔŋlɔ kpuie.
^ Alo, “ameŋubula.”
^ Alo, “Elia ke wo.”
^ Egɔmeɖeɖe tẽe, “wɔa wo dzi.”
