Psalmowo 5:1-12
Na henɔ la. Nehilot.* David ƒe ha.
5 Oo Yehowa, ƒu to anyi ɖe nye nyawo ŋu;+Lé to ɖe nye hũɖeɖewo ŋu.
2 Se nye ɣlidodowo,Oo, nye Fia kple nye Mawu, elabena wòe mele gbe dom ɖa na.
3 Oo Yehowa, àse nye gbe le ŋdi;+Magblɔ nye dzimenyawo na wò le ŋdi,+ eye manɔ asiwò nu kpɔm.
4 Elabena menye Mawu si kpɔa dzidzɔ ɖe vɔ̃ɖinyenye ŋue nènye o;+Ame vɔ̃ɖi aɖeke manɔ gbɔwò o.+
5 Dadala aɖeke manɔ te ɖe ŋkuwòme o.
Èlé fu nu vɔ̃ɖi wɔlawo katã;+
6 Àtsrɔ̃ ame siwo daa alakpa.+
Yehowa tsri ŋutasẽlawo* kple ameblelawo.+
7 Ke nye ya, mava aƒewò me+ le wò lɔlɔ̃ gã si nu metsina o la ta;+Matrɔ ɖe wò gbedoxɔ kɔkɔe la ŋu ade ta agu na wò le mawuvɔvɔ̃ me.+
8 Oo Yehowa, kplɔm le wò dzɔdzɔenyenye la nu le nye futɔwo ta;Na wò mɔ dzi nakɔ nam.+
9 Elabena womate ŋu aka ɖe woƒe numenya aɖeke dzi o;Vɔɖivɔ̃ɖi yɔ wo me fũu;Woƒe vehlo le abe yɔdo si le nuvo ene;Wotsɔa woƒe aɖe vivia nu me.*+
10 Eya ta Mawu abu fɔ wo;Woawo ŋutɔwo ƒe ayemɔwo axlã wo ɖe anyi.+
Na woanya wo ɖa le woƒe dzidada gbogboawo ta,Elabena wodze aglã ɖe ŋuwò.
11 Ke ame siwo katã si wò tso la akpɔ dzidzɔ;+Woanɔ aseyetsotso dzi ɖaa.
Àtɔ kpɔ ɖe wo ŋu godoo,Ame siwo lɔ̃a wò ŋkɔ la atso aseye ɖe ŋuwò.
12 Elabena Yehowa, àyra ame dzɔdzɔe;Wò ŋudzedzekpɔkpɔ anɔ abe akpoxɔnu gã aɖe ene le wo ŋu.+
Etenuŋɔŋlɔ
^ Kpɔ Nya Tɔxɛwo Gɔmeɖeƒea.
^ Alo, “ame siwo kɔa ʋu ɖi.”
^ Alo, “Aɖe ŋɔnɔe le nu me na wo.”
