Psalmowo 88:1-18

  • Gbedodoɖa be woaɖe ye tso ku si me

    • “Nye agbe gogo Tsiẽƒe” (3)

    • ‘Medoa gbe ɖa na wò ŋdi sia ŋdi’ (13)

Hadzidzi. Kora viwo ƒe ha.+ Na henɔ la; ɖe Mahalat* ƒe atsyã nu, ne wòanye ha si woaxe. Ezrahitɔ Heman+ ƒe Maskil.* 88  Oo Yehowa, Mawu, nye xɔnametɔ,+Medo ɣli na wò le ŋkeke me,Eye medo ɖe ŋkuwòme le zã me.+   Na nye gbedodoɖa neɖo gbɔwò,+Eye nàƒu to anyi ɖe* nye kokoƒoƒo ŋu.+   Elabena nye luʋɔ* kpɔ vɔ̃ geɖe teƒe,+Eye nye agbe gogo Tsiẽƒe.*+   Wobum ɖe yɔmeyilawo dome;+Mezu ame si ŋu wɔna vɔ le,*+   Wogblẽm ɖe kukuawo domeAbe ame tsiaʋa siwo le yɔdo me ene,Abe ame siwo dzi mègaɖo ŋkui o,Siwo woɖe ɖa le wò dzikpɔkpɔ te* la ene.   Ètsɔm de do goglotɔ me,Le viviti me, le aʋli gã aɖe me.   Wò dziku nu sẽ ɖe dzinye,+Eye nètsɔ wò ƒutsotsoewo tem ɖe to. (Sela)   Èna nye ame nyanyɛwo ka hlẽ le ŋunye;+Èna mele ŋu nyɔm na wo. Mele ga me, eye dodo meli nam o.   Nu te nye ŋkuwo ŋu le nye xaxawo ta.+ Oo Yehowa, meyɔa wò ŋkeke bliboa;+Meke nye abɔwo me na wò. 10  Ðe nàwɔ nukunuwo na ame siwo ku laa? Kukuawo, ame siwo ŋu ŋusẽ aɖeke megale o lae afɔ akafu wòa?+ (Sela) 11  Ðe woaɖe gbeƒã wò amenuveve le yɔdo me,Kple wò nuteƒewɔwɔ le tsɔtsrɔ̃ƒea?* 12  Ðe woade dzesi wò nukudɔwo le viviti mea,Alo wò dzɔdzɔenyenye le anyigba si dzi womeganyaa naneke le o la?+ 13  Oo Yehowa, wòe mele ɣli dom na be nàxɔ nam,+Eye nye gbedodoɖawo le ŋkuwòme ŋdi sia ŋdi.+ 14  Oo Yehowa, nu ka tae nègbem?*+ Nu ka tae nèɣla wò ŋkume ɖem?+ 15  Mele fu kpem tso nye ɖevime ke,Eye meɖo kudo nu;+Wɔna vɔ le ŋunye le nu dziŋɔ siwo ŋu nèɖe mɔ le wodzɔ ɖe dzinye la ta. 16  Wò dɔmedzoe tsyɔ dzinye;+Wò ŋɔdzidodowo tsrɔ̃m. 17  Woƒo xlãm ŋkeke bliboa abe tsiɖɔɖɔ ene;Wotso goawo katã me nyè tsyɔm.* 18  Èɖe xɔ̃nyewo kple zɔhɛnyewo ɖa le ŋunye yi adzɔge ʋĩi;+Azɔ vivitie zu xɔ̃nye.

Etenuŋɔŋlɔ

Alo, “nàbɔbɔ alé to ɖe.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Alo, “abe ame si ŋu ŋusẽ aɖeke mele o ene.”
Egɔmeɖeɖe tẽe, “Siwo mele wò asi me o.”
Alo, “Abadon.”
Alo, “nàgbe nye luʋɔ.”
Agate ŋu afia, “nyè tsyɔm zi ɖeka.”