Dzo kpo yi emenuwo dzi

Dzo kpo yi emenuawo dzi

 NYABIASE 10

Ŋugbe Kae Biblia Do Ku Ðe Míaƒe Etsɔme Ŋu?

“Ame dzɔdzɔewo anyi anyigba la dome, eye woanɔ edzi tegbee.”

Psalmo 37:29

“Anyigba ya li tegbee.”

Nyagblɔla 1:4

“Ami ku tegbee, eye Aƒetɔ Dziɖulagã Yehowa atutu aɖatsi ɖa le ŋkuwo katã me.”

Yesaya 25:8

“Ɣemaɣi la, ŋkuagbãtɔwo ƒe ŋku aʋu, eye tokunɔwo ƒe to aʋu. Ɣemaɣi la, bunɔwo ati kpo abe zi ene, eye aɖetututɔwo ƒe aɖe atso aseye. Elabena tsi aŋɔ tso gbegbe, eye tɔsisi atso tagba.”

Yesaya 35:5, 6

“Atutu aɖatsi sia aɖatsi ɖa le woƒe ŋkume, eye ku maganɔ anyi akpɔ o, konyifafa kple ɣlidodo kpakple vevesese hã maganɔ anyi o. Nu siwo nɔ anyi tsã la nu va yi.”

Nyaɖeɖefia 21:4

 “Woatu xɔ anɔ eme, eye woade waingble aɖu eme kutsetse. Womatu xɔ ame bubu nanɔ eme o, womaƒã nu ame bubu naɖu o. Elabena ale si ati tsinae la, nenemae nye amewo ƒe agbemeŋkekewo anɔ, eye nye ame tiatiawo ase vivi na woawo ŋutɔwo ƒe asinudɔwɔwɔwo bliboe.”

Yesaya 65:21, 22