Psalmowo 87:1-7
-
Zion, Mawu vavã la ƒe du
-
Ame siwo wodzi le Zion (4-6)
-
Kora viwo ƒe ha.+ Hadzidzi.
87 Mawu ɖo eƒe du la gɔme anyi ɖe to kɔkɔewo dzi.+
2 Yehowa lɔ̃a Zion ƒe agbowo+Wu Yakob ƒe agbadɔwo katã.
3 Oo, Mawu vavã la ƒe du, wole nu nyui geɖewo gblɔm tso ŋuwò.+ (Sela)
4 Mabu Rahab*+ kple Babilon ade ame siwo dze sim la dome;Kpɔ ɖa, Filistia kple Tiro kpakple Kus hãe nye esi.
Woagblɔ le wo dometɔ ɖe sia ɖe ŋu be: “Afi mae wodzi ame sia le.”
5 Eye woagblɔ le Zion ŋu be:
“Eya mee wodzi wo dometɔ ɖe sia ɖe ɖo.”
Dziƒoʋĩtɔ la ŋutɔ ali kee sesĩe.
6 Ne Yehowa le dukɔ la dem agbalẽ me la, agblɔ le wo ŋu be:
“Afi mae wodzi ame sia le.” (Sela)
7 Hadzilawo+ kple ame siwo do to le ɣe ɖum+ la hã agblɔ be:
“Mewòe nye tsidzɔƒewo katã le.”*+
