Psalmowo 42:1-11
Na henɔ la. Maskil* na Kora viwo.+
42 Ale si tɔʋu me tsi dzroa zinɔ vevie la,Nenemae nèle dzroyem* vevie, Oo Mawu.
2 Mawu, ɛ̃, Mawu gbagbe la ŋuti tsikɔ le wuyem* vevie.+
Ɣekaɣi mado ɖe Mawu ŋkume?+
3 Nye aɖatsiwo zu nuɖuɖu nam zã kple keli;Wole alɔme ɖem le ŋunye ŋkeke blibo la be: “Afi ka gɔ̃ wò Mawu la le?”+
4 Meɖo ŋku nu siawo dzi, eye metrɔ nye luʋɔ* kɔ ɖi,Elabena nye kple amehawoe yina tsã;Menɔa wo ŋgɔ míezɔna* yia Mawu ƒe aƒe la me,Esime aseyetsotso kple akpedada dea dzi kɔtɔɔ,Le ŋkekenyuiɖulawo ƒe ha la dome.+
5 Nu ka tae mɔkpɔkpɔ bu ɖem?*+
Nu ka ŋuti metsi dzodzodzoe le ɖokuinye me alea?
Makpɔ Mawu sinu,+Elabena magakafu eya si nye nye Xɔnametɔ Gã+ la ake.
6 Nye Mawu, mɔkpɔkpɔ bu ɖem.*+
Esia tae meɖoa ŋku dziwò,+Le Yordan-nyigba dzi kple Hermon Towo tame,Le Mizar To la dzi.*
7 Ne wò tsitsetsewo le kɔkɔm ɖi bababa la,Tɔ goglo yɔa tɔ goglo.
Wò tsitsotsoe gãwo ŋe ɖe dzinye.+
8 Yehowa ave nunye le ŋkeke me,Eƒe ha anɔ nunye le zã me, wòanye gbedodoɖa na Mawu si na agbem.+
9 Magblɔ na Mawu, nye agakpe be:
“Nu ka tae nèŋlɔm be?+
Nu ka tae malé blanui anɔ yiyim le nye futɔ la ƒe teteɖeanyi ta?”+
10 Nye futɔwo tsɔ fuléle kaɖikaɖi le alɔme ɖem le ŋunye;*Wole alɔme ɖem le ŋunye ŋkeke blibo la be: “Afi ka gɔ̃ wò Mawu la le?”+
11 Nu ka tae mɔkpɔkpɔ bu ɖem?*
Nu ka ŋuti metsi dzodzodzoe le ɖokuinye* me alea?
Makpɔ Mawu sinu,+Elabena magakafu eya si nye nye Xɔnametɔ Gã kple nye Mawu la ake.+
Etenuŋɔŋlɔ
^ Kpɔ Nya Tɔxɛwo Gɔmeɖeƒea.
^ Alo, “nèle luʋɔnye dzrom.”
^ Alo, “le nye luʋɔ wum.”
^ Kpɔ Nya Tɔxɛwo Gɔmeɖeƒea.
^ Alo, “míezɔna blewu.”
^ Alo, “bu ɖe nye luʋɔ.”
^ Alo, “bu ɖe nye luʋɔ.”
^ Alo, “to sue la dzi.”
^ Agate ŋu afia, “Nye futɔwo le alɔme ɖem le ŋunye abe ɖe wole nye ƒuwo tom nyanyanya ene.”
^ Alo, “bu ɖe nye luʋɔ.”
^ Alo, “nye luʋɔ.”
