Yesu Ƒe Ku Ƒe Ŋkuɖodzi
Dzoɖa, March 22, 2027
Zi ɖeka le ƒe ɖe sia ɖe me la, Yehowa Ðasefowo ɖoa ŋku Yesu ƒe kua dzi abe ale si wòde se ene be: “Minɔ esia wɔm hena ŋkuɖoɖo dzinye.”—Luka 22:19.
Míele wò kple wò ƒomea kpem be miade wɔna sia.
Nya Siwo Amewo Biana Edziedzi
Ame kawoe ate ŋu ava?
Ame sia ame ate ŋu ava. Eya ta àte ŋu akpe xɔ̃wòwo kple wò ƒometɔwo faa.
Ɣeyiɣi didi kae wɔnaa axɔ?
Axɔ abe gaƒoƒo ɖeka ene.
Afi kae woawɔe le?
Bia Yehowa Ðasefowo ne woagblɔ afi si woawɔe le le miaƒe nutoa me na wò.
Ðe wòle be woaxe fe alo awɔ nu bubu aɖe hafi ate ŋu adea?
Ao.
Woadzɔ ga le amewo sia?
Ao. Mímedzɔa ga le amewo si le míaƒe kpekpewo me o.—Mateo 10:8.
Ðe wòle be woado awu aɖe koŋ hafi ava?
Ao. Gake Yehowa Ðasefowo dzena agbagba doa awu le nɔnɔme nyui me, elabe wɔna tɔxɛ aɖee wònye.
Aleke miewɔa Ŋkuɖodzia?
Woƒoa Biblia me nuƒo dedziƒoname aɖe si nana míekpɔa ale si gbegbe Yesu ƒe kua le vevie kple ale si míawɔ be nu si Mawu kple Yesu wɔ na mí la naɖe vi na mí. Míetsɔa hadzidzi kple gbedodoɖa dzea egɔme eye míegatsɔnɛ wua enu.
Ne èdi be yeaganya nu geɖe la, xlẽ nyati si nye “Nu Ka Tae Ale Si Yehowa Ðasefowo Wɔa Aƒetɔ Ƒe Fiẽnuɖuɖua To Vovo Na Subɔsubɔha Bubuwo Tɔ?”
Ɣekaɣiwoe miagawɔ Ŋkuɖodzia?
2027: Dzoɖa, March 22
2028: Kwasiɖa, April 9
2029: Yawoɖa, March 29
Ɖewohĩ Esia Hã Adzɔ Dzi Na Wò
ŊKUÐODZI
Ðo Ŋku Yesu Ƒe Kua Dzi
Míele kpewòm dzidzɔtɔe be nàde wɔna tɔxɛ sia kpli mí. Àsrɔ̃ nu tso ale si Yesu ƒe agbe kple eƒe ku aɖe vi na wòe la ŋu.
BIBLIA ƑE NUFIAFIA VEVIWO
Nu Ka Tae Yesu Ku?
Biblia ɖee fia be asixɔxɔ gã aɖe le Yesu ƒe ku ŋu. Ðe taɖodzinu aɖe le eƒe ku ŋua?
NYATI BUBUWO
Na Yesu Ƒe Vɔsaa Naɖe Vi Na Wò
Nu vevi eve kawoe Yesu fia mí be míawɔ ale be eƒe kua naɖe vi na mí?
MÍA ŊU NYAWO
De Yehowa Ðasefowo ƒe kpekpewo
Xlẽ nu tso afi siwo míekpena le kple ale si míesubɔnae la ŋu. Ame sia ame ate ŋu ade kpekpeawo faa, eye womedzɔa ga le vavalawo si o.