यसैया ५७:१-२१

  • धर्मी मानिस र वफादार मानिस नाश भएका छन्‌ (१, २)

  • इस्राएलले गरेको वेश्‍यावृत्तिको पर्दाफास (३-१३)

  • कमजोरहरूलाई सान्त्वना (१४-२१)

    • दुष्टहरू उर्लिरहेको समुद्रजस्तै हुन्‌ (२०)

    • दुष्टलाई कहिल्यै शान्ति हुँदैन (२१)

५७  धर्मी मानिस नाश भएको छतर कसैलाई वास्ता छैन।वफादार मानिस खोसिएको छ*+तर विपत्तिले गर्दा* धर्मी मानिसको मृत्यु भएको छ भनीकसैले विचार गर्दैन।  २  उसलाई शान्ति हुन्छ।असल मार्गमा हिँड्‌नेहरू आफ्नो ओछ्यानमा* चैनसित ढल्कन्छन्‌।  ३  “हे तन्त्रमन्त्र गर्ने स्त्रीका सन्तान हो!व्यभिचारबाट जन्मेका सन्तान र वेश्‍याका सन्तान हो!तिमीहरू नजिक आओ!  ४  तिमीहरू कसको ठट्टा गरिरहेका छौ?कसको खिसी गर्न तिमीहरू मुख बाउँछौ र जिब्रो देखाउँछौ?तिमीहरू पापी मानिसका सन्तान होइनौ र?तिमीहरू छली मानिसका सन्तान होइनौ र?+  ५  तिमीहरू ठूलठूला रूखमुनि,+रूखको छहारीमुनि+ कामवासनाले जल्छौ।तिमीहरू आफ्ना छोराछोरीलाई बेँसीमा* लगेर बलि चढाउँछौ,+चट्टानका धाँजामा आफ्ना छोराछोरीलाई बलि चढाउँछौ।  ६  तिमीले बेँसीका* चिल्ला ढुङ्‌गा छानेकी छ्यौ,+तिमीले पाएको भाग त्यही हो।त्यही ढुङ्‌गामाथि तिमी मद्यभेटी* र अरू भेटी चढाउँछ्यौ।+तिम्रा भेटीहरू देखेर के म खुसी* होऊँ?  ७  ठूलो र अग्लो डाँडामा तिमीले ओछ्यान* लगायौ,+बलि चढाउन तिमी त्यहाँ उक्लियौ।+  ८  ढोका र चौकोसको पछाडि तिमीले सम्झनाको चिनो* राख्यौ।तिमीले मलाई त्याग्यौ र आफूलाई नाङ्‌गो पाऱ्‍यौ,तिमी माथि गयौ र आफ्नो ओछ्यान फराकिलो बनायौ।तिमीले तिनीहरूसित वाचा बाँध्यौ।तिनीहरूसित सुत्न पाउँदा तिमी रमायौ+अनि तिमीले तिनीहरूको लिङ्‌ग हेऱ्‍यौ।*  ९  तिमी तेल लिएर मलेककहाँ* गयौ,धेरै अत्तर लिएर उसकहाँ गयौ।तिमीले आफ्ना दूतहरूलाई टाढा पठायौअनि तिमी तल चिहानमा* गयौ। १०  थरीथरीका बाटोमा हिँडेर तिमी थाकिसक्यौतैपनि तिमीले यसो भनिनौ, ‘सब बेकार भयो!’तिमी नयाँ जोस लिएर आयौ;त्यसैले त तिमीले हार मानिनौ। ११  तिमी कोसित डरायौर मसित झूट बोल्न थाल्यौ?+तिमीले मलाई सम्झिनौ,+मेरो कुरामा ध्यान दिइनौ।+म चुपचाप बसेँ र तिमीलाई सहिरहेँ,+त्यही भएर तिमीले मेरो डर मान्‍न छोड्‌यौ। १२  तिम्रो देखावटी धर्मकर्म+ र तिम्रो कामको+ म पर्दाफास गरिदिनेछु।तिम्रा ती कामहरूबाट तिमीलाई केही फाइदा हुनेछैन।+ १३  तिमीले गुहार माग्दातिमीले थुपारेका मूर्तिहरूले तिमीलाई बचाउनेछैनन्‌।+बतासले ती सब उडाइदिन्छ,एकै सासले ती सबै उडेर जान्छ।तर जसले ममाथि भरोसा गर्छ, उसैले देश अधिकार गर्नेछ;ऊ नै मेरो पवित्र डाँडामा बस्न पाउनेछ।+ १४  त्यसपछि यसो भनिनेछ, ‘बाटो बनाऊ! बाटो बनाऊ! बाटो तयार पार!+मेरा मानिसहरू हिँड्‌ने बाटोमा कुनै अवरोध नहोस्‌!’” १५  जो उच्च र महान्‌ हुनुहुन्छ, जो अनन्त हुनुहुन्छ+जसको नाम पवित्र छ,+ उहाँ यसो भन्‍नुहुन्छ:“म उच्च र पवित्र ठाउँमा बस्छु।+तैपनि मन भाँचिएका र कमजोरहरूको साथमा हुन्छु।म कमजोरहरूलाई बल दिन्छुअनि मन भाँचिएकाहरूलाई सान्त्वना दिन्छु।+ १६  म सधैँ तिनीहरूको विरोध गर्दिनँ,म सधैँ तिनीहरूदेखि रिसाउँदिनँ+नत्र त मेरो कारण मानिस* कमजोर हुनेछ,+मैले बनाएको हरेक जीव, जसले सास फेर्छ, त्यो कमजोर हुनेछ। १७  इस्राएलले गरेको पाप देखेर,उसले बेइमानी गरेर धन कमाएको देखेर म रिसाएँ।+अनि मैले उसलाई हिर्काएँ; रिसले चूर भएर मैले आफ्नो अनुहार ऊदेखि फर्काएँ।तैपनि उसले धोका दिइरह्‍यो+ र मनपरी गर्न छोडेन। १८  मैले उसको चाल देखेको छुतर पनि म उसलाई निको पार्नेछु+ र डोऱ्‍याउनेछु;+म उसलाई+ र उसको खातिर शोक गर्नेहरूलाई सान्त्वना दिनेछु।”+ १९  यहोवा भन्‍नुहुन्छ, “म मानिसको मुखबाट प्रशंसाका शब्दहरू* निकाल्नेछु,चाहे ऊ टाढा होस्‌ वा नजिक, म उसलाई शान्ति दिइरहनेछु,+म उसलाई निको पार्नेछु।” २०  “दुष्टहरू उर्लिरहेको समुद्रजस्तै हुन्‌, जसको छाल कहिल्यै शान्त हुँदैन,जसको पानीले सधैँ लेउ र हिलो हुत्याइरहन्छ। २१  दुष्टलाई कहिल्यै शान्ति हुँदैन,” मेरा परमेश्‍वर भन्‍नुहुन्छ।+

फुटनोटहरू

अर्थात्‌, वफादार मानिसको मृत्यु भएको छ।
वा सम्भवत: “विपत्ति भोग्नु नपरोस्‌ भनेर।”
अर्थात्‌, चिहानमा।
वा “वादीमा।” शब्दावलीमा “वादी” हेर्नुहोस्‌।
वा “वादीका।” शब्दावलीमा “वादी” हेर्नुहोस्‌।
शब्दावली हेर्नुहोस्‌।
वा “सन्तुष्ट।”
यसले झूटा देवताको वेदी वा कुनै उपासनास्थल बनाएको कुरालाई सङ्‌केत गरेको हुन सक्छ।
यसले मूर्तिपूजासम्बन्धी कुनै चिन्ह वा सङ्‌केतलाई जनाएको हुन सक्छ।
यसले मूर्तिपूजालाई जनाएको हुन सक्छ।
वा सम्भवत: “राजाकहाँ।”
हिब्रू भाषामा शिओल। शब्दावली हेर्नुहोस्‌।
शा., “मानिसको मन।”
शा., “ओठको फल।”