यसैया ८:१-२२

  • अस्सेरियालीहरू कब्जा गर्न आउनेछन्‌ (१-८)

    • महेर-शालल-हाज-बज (१-४)

  • नडराओ, “परमेश्‍वर हामीसँग हुनुहुन्छ” (९-१७)

  • यसैया र तिनका छोराहरू चिन्ह हुन्‌ (१८)

  • भूतप्रेतहरूको होइन, व्यवस्थाको खोजी गर (१९-२२)

 यहोवाले मलाई यसो भन्‍नुभयो: “एउटा ठूलो पाटी लेऊ+ र त्यसमा साधारण कलमले ‘महेर-शालल-हाज-बज’* लेख। २  अनि दुई जना भरपर्दा साक्षीले अर्थात्‌ पुजारी उरियाह+ अनि यबेरक्याहका छोरा जकरियाले यस कुराको प्रमाण लेखेरै देऊन्‌।” ३  त्यसपछि मेरी पत्नी, जो एक भविष्यवक्‍ता हुन्‌, तिनीसित मैले शारीरिक सम्बन्ध राखेँ* र तिनी गर्भवती भइन्‌। अनि तिनले एउटा छोरो जन्माइन्‌।+ तब यहोवाले मलाई यसो भन्‍नुभयो: “त्यसको नाम महेर-शालल-हाज-बज राख। ४  किनकि तिम्रो छोराको बोली फुटेर ‘बुबा’ अथवा ‘आमा’ भन्‍न सिक्नुअघि नै दमिसकका सबै धनसम्पत्ति र सामरियाबाट लुटिएका सबै मालसामान अस्सेरियाका राजाकहाँ लगिनेछ।”+ ५  यहोवाले मलाई फेरि यसो भन्‍नुभयो:  ६  “यी मानिसहरूले सिलोहको* कलकल बग्ने पानीलाई तिरस्कार गरे+अनि रमल्याहका+ छोराको र रजिनको पछि लागे।  ७  त्यसैले हेर, म यहोवाले तिनीहरूविरुद्धअस्सेरियाका राजा+ र तिनका सबै सेनालाई पठाउनेछु।तिनी उर्लेर आउने युफ्रेटिस नदीको भेलजस्तै छन्‌। जसरी नदी उर्लेर आउँदा सबै नाला भरिन्छन्‌र पानी किनार बाहिरसम्म पुग्छ, त्यसरी नै तिनी आउनेछन्‌।  ८  अनि यहुदालाई स्वात्तै बगाएर लैजानेछन्‌। तिनले यहुदामा बाढी ल्याउनेछन्‌ र यहुदाको गर्दनसम्मै पुग्नेगरि पानीको भल ल्याउनेछन्‌।+हे इम्मानुएल,*+तिनले आफ्नो पखेटा फिँजाउँदा तिम्रो देश वारिदेखि पारिसम्मै ढाकिनेछ।”  ९  ए जातिजातिका मानिस हो, तिनीहरूलाई हानि पुऱ्‍याएर त हेर! तिमीहरू टुक्राटुक्रा पारिनेछौ। ए टाढा-टाढाका देशमा बस्ने सबै मानिस हो, सुन! युद्धको लागि तयार होओ* तर तिमीहरू टुक्राटुक्रा पारिनेछौ।+ युद्धको लागि तयार होओ तर तिमीहरू टुक्राटुक्रा पारिनेछौ। १०  जे षड्‌यन्त्र रच्नु छ, रच तर त्यो विफल हुनेछ; जे भन्‍न चाहन्छौ, भन तर त्यो बेकार जानेछकिनकि परमेश्‍वर हामीसँग हुनुहुन्छ।*+ ११  यहोवाले आफ्नो बलियो हात ममाथि राख्नुभयो। अनि म यी मानिसहरूको पछि नलागोस्‌ भनेर उहाँले मलाई यस्तो चेतावनी दिनुभयो: १२  “यिनीहरूले कुनै षड्‌यन्त्र रच्दा तिमीहरू त्यसमा सामेल नहुनू। यिनीहरू जेदेखि डराउँछन्‌, तिमीहरू त्यसदेखि नडराउनू;थरथर नकाँप्नू। १३  सेनाहरूका यहोवालाई नै तिमीहरूले पवित्र मान्‍नू;+उहाँकै डर मान्‍नू।उहाँबाहेक अरू कसैसामु डरले नकाँप्नू।”+ १४  उहाँ शरणस्थान बन्‍नुहुनेछतर इस्राएलका दुवै घरानाको लागिउहाँ ठक्कर दिने ढुङ्‌गा+र ठेस लाग्ने चट्टान साबित हुनुहुनेछ।यरुसलेमका बासिन्दाहरूका लागिउहाँ पासो र जाल बन्‍नुहुनेछ। १५  धेरै जना ठेस खाएर लड्‌नेछन्‌ र घाइते हुनेछन्‌।तिनीहरू पासोमा पर्नेछन्‌ र समातिनेछन्‌। १६  साक्षीहरूले लेखेरै दिएको प्रमाणलाई बेरेर राख।मैले दिएको व्यवस्थामा* मेरा चेलाहरूसामु लाहाछाप लगाऊ! १७  म यहोवाको बाटो हेर्नेछु।+ उहाँले याकुबको घरानादेखि आफ्नो अनुहार अन्तै फर्काउनुभएको छ।+ म उहाँकै प्रतीक्षा गर्नेछु। १८  हेर! म अनि मेरा छोराहरू, जो यहोवाले मलाई दिनुभएको हो,+ इस्राएलको लागि चिन्हहरू+ र चमत्कारहरूजस्तै भएका छौँ। ती चिन्हहरू र चमत्कारहरू सियोन डाँडामा बास गर्नुहुने सेनाहरूका यहोवाले दिनुभएको हो। १९  तिनीहरूले तिमीहरूलाई यसो भन्लान्‌: “फलाक्दै भूतप्रेत खेलाउने र भावी बताउनेहरूसित सोधपुछ गर।” तर के तिनीहरूले आफ्ना परमेश्‍वरलाई सोधपुछ गर्नुपर्ने होइन र? जिउँदाहरूका बारेमा मरेकाहरूलाई सोध्नु के उचित हो?+ २०  तिनीहरूले त व्यवस्था अनि लिखित प्रमाणको पो खोजी गर्नुपर्ने हो। जो-जो यस वचनअनुसार बोल्दैनन्‌, तिनीहरूसित कुनै ज्योति*+ हुँदैन। २१  अनि देशका सबै मानिसलाई भोक र दुःखले सताउनेछ।+ भोक र रिसको सुरमा प्रत्येकले आफ्नो राजालाई धिक्कार्नेछ र मास्तिर हेर्दै आफ्नो परमेश्‍वरलाई सराप्नेछ। २२  अनि पृथ्वीमा उसले कतै उज्यालो देख्नेछैन। बरु जताततै दुःख र अँध्यारो, पीडा र घोर अन्धकार मात्रै देख्नेछ।

फुटनोटहरू

यसको अर्थ “लुट्‌नलाई हतारिँदै जानु, लुटको माल लिन छिटोछिटो जानु” हुन सक्छ।
शा., “म तिनको नजिक गएँ।”
सिलोह नहरको नाम थियो।
यसैया ७:१४ हेर्नुहोस्‌।
वा “कम्मर कस।”
“परमेश्‍वर हामीसँग हुनुहुन्छ”-लाई हिब्रूमा इम्मानुएल भनिन्छ। यसै ७:१४; ८:८ हेर्नुहोस्‌।
वा “निर्देशनमा।”
शा., “बिहानको उज्यालो।”