यसैया ५१:१-२३
५१ “ए धार्मिकताको मार्गमा हिँड्नेहरू होअनि यहोवालाई खोज्नेहरू हो, मेरो कुरा सुन।जुन चट्टानबाट तिमीहरूलाई खोपेर निकालियो, त्यसलाई हेर।अनि जुन खानीबाट तिमीहरूलाई खनेर निकालियो, त्यसलाई हेर।
२ तिमीहरूलाई जन्माउने* तिमीहरूकी आमा सारालाई हेर,+तिमीहरूका बुबा अब्राहामलाई हेर।मैले तिनलाई बोलाउँदा तिनी निस्सन्तान थिए+तर मैले तिनलाई आशिष् दिएँ र तिनी थुप्रै सन्तानका बुबा भए।+
३ यहोवाले सियोनलाई सान्त्वना दिनुहुनेछ+अनि तहसनहस भएका त्यसका सबै ठाउँलाई फेरि बसाल्नुहुनेछ।*+त्यसका निर्जन ठाउँहरूलाई उहाँले अदनजस्तै बनाउनुहुनेछ+अनि त्यसका मरुभूमिहरूलाई यहोवाको बगैँचाजस्तै बनाउनुहुनेछ।+त्यहाँ खुसी र रमाहटको स्वर गुञ्जनेछ।त्यस सहरले सुमधुर गीत गाउनेछ र धन्यवाद चढाउनेछ।+
४ ए मेरा मानिसहरू हो, मेरो कुरामा ध्यान देओ।ए मैले रोजेको जाति, मेरो कुरामा कान थाप।+किनकि म तिमीहरूलाई मेरो कानुन सिकाउनेछु।+म मेरो न्यायको स्तर तोक्नेछु र जातिजातिको लागि त्यो एउटा ज्योति बन्नेछ।+
५ म चाँडै न्याय गर्नेछु;+म तिमीहरूको उद्धार गर्नेछु।+मेरो हातले* म जातिजातिको इन्साफ गर्नेछु।+टापुहरूले मेरो बाटो हेर्नेछन्+र मेरो शक्तिशाली हातको प्रतीक्षा गर्नेछन्।
६ तिमीहरूको नजर उठाएर माथि आकाशतिर हेरअनि तल पृथ्वीलाई नियालकिनकि आकाश धुवाँजस्तै बिलाएर जानेछअनि पृथ्वीचाहिँ लुगाझैँ मक्किएर जानेछ।पृथ्वीका बासिन्दाहरू भुसुनासरी मर्नेछन्तर मैले गर्ने उद्धार सदा कायम रहनेछ।+अनि मेरो धार्मिक स्तर सधैँभरि टिक्नेछ।+
७ ए मानिसहरू हो, जसले मेरो न्यायको स्तर जानेका छौअनि मेरो व्यवस्था* मनमा राखेका छौ,+मरणशील मानिसहरूले उपहास गर्दा नडराऊ,तिनीहरूले अपमान गर्दा डरले नकाँप।
८ किराले तिनीहरूलाई कपडा खाएजस्तै गरी खानेछ।कपडा खाने किराले ऊन सखाप पारेझैँ तिनीहरूलाई पनि सखाप पार्नेछ।+तर मैले गर्ने इन्साफ सधैँभरि टिक्नेछर मैले गर्ने उद्धार पुस्तौँपुस्तासम्म कायम रहनेछ।”+
९ जाग! हे यहोवाका पाखुरा हो, जाग!+अघिअघिका दिनहरूमा जस्तै, उहिले-उहिलेका पुस्ताहरूको समयमा जस्तैआफ्नो बल प्रकट गर!के त्यही पाखुराले राहाबलाई* टुक्राटुक्रा पारेको होइन र?+विशाल जलजन्तुलाई प्रहार गर्ने के त्यही पाखुरा होइन र?+
१० तपाईँले नै गहिरो समुद्रलाई सुकाउनुभएको होइन र?+मोल तिरेर छुटाउनुभएका आफ्ना मानिसहरूको लागि समुद्रको बीचमा बाटो बनाइदिने तपाईँ नै होइन र?+
११ यहोवाले मोल तिरेर छुटाउनुभएकाहरू फर्किनेछन्।+तिनीहरू जयजयकार गर्दै सियोनमा आउनेछन्।+तिनीहरूले चिरस्थायी हर्षको मुकुट पहिरिनेछन्।+तिनीहरूले सधैँ हर्षोल्लास मनाउनेछन् र रमाहट गर्नेछन्।तिनीहरूले कहिल्यै दुःख भोग्नुपर्नेछैन र सुस्केरा हाल्नुपर्नेछैन।+
१२ “तिमीहरूलाई सान्त्वना दिने मै हुँ।+मरिजाने मानिसहरूदेखि तिमीहरू किन डराउँछौ?+हरियो घाँसझैँ सुकेर जाने मानिसका सन्तानदेखि तिमीहरू किन डरले काँप्छौँ?
१३ तिमीहरूलाई रच्नुहुने यहोवा,जसले आकाशलाई फैलाउनुभयो+ अनि पृथ्वीको जग बसाल्नुभयो, उहाँलाई तिमीहरू किन बिर्सन्छौ?+अत्याचारीको क्रोधदेखि तिमीहरू डरायौ;अत्याचारीले नाश गर्ला भनेर तिमीहरू आत्तियौतर खोइ, अत्याचारीको क्रोध कहाँ गयो?
१४ साङ्लाले बाँधिएर कुप्रो परेकाहरूलाई चाँडै मुक्त गरिनेछ।+तिनीहरूले आफ्नो ज्यान गुमाउनुपर्नेछैन, तिनीहरू चिहानमा जानुपर्नेछैन।तिनीहरू भोकभोकै पनि बस्नुपर्नेछैन।
१५ म तिमीहरूका परमेश्वर यहोवा हुँ।मेरो नाम सेनाहरूका यहोवा हो।+म सागरलाई हल्लाउँछु र त्यसका छालहरूलाई उचाल्छु।+
१६ म तिमीहरूको मुखमा मेरो वचन हालिदिनेछु।मेरो हातको छायामा म तिमीहरूलाई लुकाउनेछु।+तब म आकाशलाई त्यसको ठाउँमा स्थिर गर्नेछु र पृथ्वीको जग बसाल्नेछु+अनि सियोनलाई यसो भन्नेछु, ‘तिमीहरू मेरा मानिसहरू हौ।’+
१७ ए यरुसलेम, जाग! खडा होऊ!+तिमीले यहोवाको हातबाट उहाँको क्रोधको प्याला लिएर पियौ।तिमीले त्यो स्वाट्टै पाऱ्यौ।मात लगाउने त्यो प्याला तिमीले रित्यायौ।+
१८ उसको कुनै छोराले पनि उसलाई बाटो देखाएनअनि तिनीहरूमध्ये कसैले पनि उसको हात थामेन।
१९ तिमीमाथि दुई वटा विपत्ति आइपर्नेछन्।नाश र बरबादी, भोकमरी र तरबार!+त्यतिखेर कसले तिमीलाई दया* देखाउला?कसले तिमीलाई सान्त्वना देला?+
२० तिम्रा छोराहरू बेहोस भएका छन्।+पासोमा परेको नाउरझैँ*तिनीहरू बाटोका मोड-मोडमा ढलेका छन्।यहोवाले तिनीहरूमाथि आफ्नो भएभरको क्रोध खन्याउनुभएको छ,परमेश्वरले तिनीहरूलाई बेसरी हप्काउनुभएको छ।”
२१ ए दुःखमा परेकी स्त्री, मेरो कुरा सुन।तिमी मात्तिएकी छ्यौ तर रक्सीले होइन।
२२ आफ्ना मानिसहरूको रक्षा गर्नुहुने तिम्रा परमेश्वर यहोवा यसो भन्नुहुन्छ:“मात लगाउने त्यो प्याला म तिम्रो हातबाट खोस्नेछु।+मेरो क्रोधको प्याला म फिर्ता लिनेछु।तिमीले फेरि कहिल्यै त्यो पिउनेछैनौ।+
२३ बरु म त्यो प्याला तिमीलाई सताउनेहरूको हातमा थमाइदिनेछु।+तिनीहरूको हातमा, जसले तिमीलाई यसो भनेका थिए, ‘लम्पसार पर्! हामी तँलाई टेकेर हिँड्छौँ!’तिनीहरूको लागि तिमीले आफ्नो पिठिउँलाई जमिनझैँ,हो, हिँड्ने बाटोझैँ बनाएको थियौ।”
फुटनोटहरू
^ वा “प्रसववेदना सहेर जन्माउने।”
^ शा., “सान्त्वना दिनुहुनेछ।”
^ वा “शक्तिले।”
^ वा “निर्देशन।”
^ वा “सहानुभूति।”
^ जङ्गली भेडा।
