यसैया ५३:१-१२

  • यहोवाको सेवकले भोग्ने दुःख, उसको मृत्यु र उसको चिहान (१-१२)

    • घृणा गरे, वास्तै गरेनन्‌ ()

    • उसले रोगबिमार बोक्यो र पीडा भोग्यो ()

    • “काट्‌न लगिएको भेडाझैँ” ()

    • उसले थुप्रैको पाप आफ्नो शिरमा लियो (१२)

५३  हाम्रो कुरा* कसले विश्‍वास गर्छ?+कसलाई यहोवाले आफ्नो शक्‍ति*+ प्रकट गर्नुभएको छ?+  २  उहाँको* सामुन्‍ने ऊ टुसाझैँ पलाउँछ,+ सुक्खा जमिनको जराझैँ ऊ हुनेछ।उसको रूपमा न शोभा न त सौन्दर्य नै छ।+हामी उसलाई देख्छौँ तैपनि ऊतिर खिचिंदैनौँ।  ३  मानिसहरूले उसलाई घृणा गरे, उसको वास्तै गरेनन्‌।+चोट के हो, बिमारी के हो, उसले महसुस गऱ्‍यो।हामीले उसको अनुहार देखेनौँ, मानौँ कसैले छोपिदिएझैँ।*हामीले उसलाई हेला गऱ्‍यौँ, उसको कदरै गरेनौँ।+  ४  उसले हाम्रो सबै रोगबिमार बोक्यो,+हाम्रो पीडा भोग्यो+तर हामीले त परमेश्‍वरले पो उसलाई प्रहार गरिरहनुभएको छ अनि उहाँले गर्दा नै ऊ घायल भएको छ र पीडा भोगिरहेको छ भन्ठान्यौँ।  ५  हाम्रो अपराधको लागि+ उसको शरीर छेडियो।+हाम्रो पापको लागि ऊ घायल भयो।+हाम्रो शान्तिको लागि उसले दण्ड स्विकाऱ्‍यो।+अनि उसलाई लागेको चोटले गर्दा हामी निको भयौँ।+  ६  हामी भेडाहरूझैँ तितरबितर भएका थियौँ,+हामी सबै बरालिएर आ-आफ्नै बाटोतिर लागेका थियौँ।तैपनि हामी सबैको पाप यहोवाले उसैलाई बोकाइदिनुभयो।+  ७  ऊमाथि अत्याचार गरियो,+ ऊमाथि दुःख आइपऱ्‍यो तर उसले सबै सह्‍यो।+उसले आफ्नो मुख खोलेन, ऊ चुपचाप बस्यो।काट्‌न लगिएको भेडाझैँ उसलाई लगियो।+ऊन कत्रने मानिसको अगाडि भेडा चुपचाप बसेझैँउसले आफ्नो मुख खोलेन, ऊ चुपचाप बस्यो।+  ८  ऊमाथि अत्याचार भयो र अन्याय गरेर उसको जीवन खोसियो।*तर ऊ को हो, कहाँबाट आयो, कसैले विचार गरेन।जीवितहरूको देशबाट उसलाई हटाइयो।+मेरा मानिसहरूले अपराध गरे तर त्यसको चोट उसले पायो।*+  ९  उसले कुनै गलत काम* गरेको थिएन,उसको मुखमा कुनै छल पाइएको थिएन+तैपनि दुष्ट मानिसहरूसँगै उसलाई गाडियो,+उसको मृत्यु हुँदा उसलाई धनी मानिसको चिहानमा राखियो।+ १०  तर यहोवाले नै उसलाई घायल हुन र दुःख भोग्न दिने इच्छा गर्नुभएको थियो।हे परमेश्‍वर, यदि तपाईँले उसको जीवन दोषभेटीको* रूपमा दिनुभयो भने+उसले आफ्नो सन्तानलाई देख्न पाउनेछ र ऊ चिरञ्जीवी हुनेछ।+अनि उसले नै यहोवाको इच्छा पूरा गर्नेछ।+ ११  उसले धेरै पीडा भोग्नुपर्नेछ तर ऊ सन्तुष्ट हुनेछ।मेरो असल जन, मेरो सेवकले आफ्नो ज्ञानद्वारा+थुप्रै मानिसलाई मदत गर्नेछ; तिनीहरू असल ठहरिनेछन्‌।+तिनीहरूको पाप उसैले बोक्नेछ।+ १२  अरू थुप्रै मानिससँगसँगै म उसलाई पनि असल थोक दिनेछु।उसले लुटको माल बलियाहरूलाई भाग लगाउनेछ।उसले आफ्नो जीवनै अर्पण गऱ्‍यो,+अपराधीहरूसँगै उसको गन्ती भयो।+उसले थुप्रै मानिसको पाप आफ्नो शिरमा लियो+र अपराधीहरूको पक्ष लिएर बिन्ती गऱ्‍यो।+

फुटनोटहरू

वा सम्भवत: “हामीले सुनेको कुरामा।”
शा., “पाखुरा।”
यसले परमेश्‍वरलाई वा यो कुरा देख्ने कुनै मानिसलाई पनि जनाएको हुन सक्छ।
वा सम्भवत: “उसलाई देख्दा मानिसहरू आफ्नो मुख अन्तै फर्काउँथे।”
शा., “उसलाई लगियो।”
वा “तर उसलाई मारियो।”
वा “हिंसा।”
शब्दावली हेर्नुहोस्‌।