यसैया ७:१-२५

  • राजा आहाजको लागि सन्देश (१-९)

    • सेर-यासुब ()

  • इम्मानुएलको चिन्ह (१०-१७)

  • धोकेबाज हुँदाको नतिजा (१८-२५)

 योतामका छोरा र उज्जियाहका नाति आहाज+ जो यहुदाका राजा थिए, तिनको शासनकालमा सिरियाका राजा रजिन र रमल्याहका छोरा, इस्राएलका राजा पेकह+ यरुसलेमसँग युद्ध लड्‌न आए। तर तिनीहरूले* यरुसलेमलाई कब्जा गर्न सकेनन्‌।+ २  तब “सिरियाले एप्रैमलाई युद्ध लड्‌न सहयोग गर्ने निर्णय गऱ्‍यो” भन्‍ने खबर दाउदको घरानालाई दिइयो। यो खबर सुनेपछि जसरी बतास चल्दा जङ्‌गलका रूखहरू हल्लिन्छन्‌, त्यसरी नै आहाज र तिनका सबै मानिसको मुटु थरथर काँप्यो। ३  त्यसपछि यहोवाले यसैयालाई यस्तो आग्रह गर्नुभयो: “आफ्नो छोरा सेर-यासुबलाई*+ लिएर आहाजलाई भेट्‌न जाऊ। तिमीले उसलाई माथिल्लो कुण्डको नहरनजिकै भेट्‌नेछौ,+ जुन धोबीको चौर जाने मूलबाटोको छेउमा छ। ४  उसलाई यसो भन्‍नू, ‘ढुक्क भएर बस। सिरियाका राजा रजिन र रमल्याहका+ छोराको बल्दो रिसदेखि फिटिक्कै नडराऊ, तिनीहरूलाई देखेर हिम्मत नहार किनकि तिनीहरू धुवाँ निस्किरहेको निभ्न लागेको मुढाजस्तै छन्‌। ५  सिरिया र एप्रैमले अनि रमल्याहका छोराले तिमीविरुद्ध यसो भन्दै षड्‌यन्त्र रचेका छन्‌: ६  “आओ, हामी यहुदामाथि आक्रमण गर्न जाऔँ, त्यसलाई टुक्राटुक्रा पारिदेऔँ* र कब्जा गरौँ।* अनि तबेलका छोरालाई त्यहाँको राजा बनाऔँ।”+  ७  “‘ब्रह्‍माण्डका मालिक यहोवा यसो भन्‍नुहुन्छ: “तिनीहरूको षड्‌यन्त्र सफल हुनेछैन।त्यो कहिल्यै पूरा हुनेछैन।  ८  सिरियाको शिर दमिसक होर दमिसकको शिरचाहिँ रजिन हो। केवल ६५ वर्षभित्र एप्रैम पूरै तहसनहस हुनेछ,त्यसको नामोनिसान मेटिनेछ।+  ९  एप्रैमको शिर सामरिया हो+र सामरियाको शिरचाहिँ रमल्याहको छोरा हो।+ तिमीहरूको विश्‍वास अटल नभएसम्मतिमीहरूको राज्य स्थिर हुनेछैन।”’” १०  यहोवाले आहाजलाई अझै यसो भन्‍नुभयो: ११  “यहोवा तिम्रा परमेश्‍वरसित कुनै चिन्ह माग,+ चाहे त्यो चिन्ह चिहानजत्तिकै* गहिरो होस्‌ या आकाशजत्तिकै उच्च।” १२  तर आहाजले यसो भने: “अहँ! म कुनै चिन्ह माग्दिनँ; म यहोवालाई जाँच्न चाहन्‍नँ।” १३  त्यसपछि यसैयाले यसो भने: “हे दाउदको घराना, सुन! के मानिसहरूको धैर्यको परीक्षा लिएर तिमीहरूलाई पुगेन? अब तिमीहरू परमेश्‍वरको धैर्यको पनि परीक्षा लिन चाहन्छौ?+ १४  त्यसैले यहोवा आफैले तिमीहरूलाई एउटा चिन्ह दिनुहुनेछ: हेर! कन्या* गर्भवती हुनेछिन्‌ र एउटा छोरा जन्माउनेछिन्‌।+ उनले तिनको नाम इम्मानुएल* राख्नेछिन्‌।+ १५  खराब कुरालाई इन्कार गर्न सक्ने र असल कुरालाई रोज्न सक्ने हुनुअघि नै तिनले नौनी र मह खाइसकेका हुनेछन्‌। १६  किनकि बालक खराब कुरालाई इन्कार गर्न सक्ने र असल कुरालाई छान्‍न सक्ने हुनुअघि नै जुन दुई राजादेखि तिमीहरू डराउँछौ, तिनीहरूको देश पूर्ण रूपमा उजाड भइसकेको हुनेछ।+ १७  हे आहाज, यहोवाले तिमी, तिम्रा मानिसहरू र तिम्रो बुबाको घरानामाथि असाध्यै कठिन परिस्थिति ल्याउनुहुनेछ। एप्रैम यहुदाबाट अलग भएको दिनदेखि+ आजसम्म त्यस्तो सङ्‌कट आइपरेको छैन। किनकि उहाँले अस्सेरियाका राजालाई तिमीमाथि जाइलाग्न पठाउनुहुनेछ।+ १८  “त्यस दिन यहोवाले सिटी बजाएर टाढाबाट अर्थात्‌ मिश्रको नाइलका नहरहरूबाट झिँगाहरूलाई र अस्सेरियाबाट मौरीहरूलाई बोलाउनुहुनेछ। १९  ती सब आउनेछन्‌ र भिराला बेँसीहरू,* चट्टानका धाँजाहरू, काँडेदार झाडीहरू र खर्कहरूमा* बस्नेछन्‌। २०  “त्यस दिन यहोवाले युफ्रेटिस नदी बग्ने इलाकाबाट भाडामा लिइएको छुरामार्फत अर्थात्‌ अस्सेरियाका राजामार्फत+ यहुदाको कपाल र खुट्टाका रौँ अनि दाह्री पनि खौरिदिनुहुनेछ। २१  “त्यो दिन एउटा मानिससँग एउटा कोरली* र दुई वटा भेडा बाँकी रहनेछ। २२  अनि दूध प्रशस्तै भएकोले उसले नौनी खानेछ। खानलाई अरू केही नभएकोले देशमा बाँकी रहेका सबैले नौनी र मह मात्र खानेछन्‌। २३  “त्यो दिन १ हजार चाँदीको टुक्रा मोल पर्ने अङ्‌गुरका १ हजार बोट भएका ठाउँहरूमा काँडा र झारपात मात्र हुनेछन्‌। २४  मानिसहरू त्यहाँ धनु र काँड बोकेर जानेछन्‌ किनकि पूरै देशलाई काँडा र झारपातले ढाक्नेछ। २५  अनि जुन डाँडाहरूलाई कोदालोले सफा गरिन्थ्यो, ती डाँडाहरूमा तिमीहरू काँडा र झारपातको डरले जानेछैनौ। ती सब डाँडा गोरुहरू र भेडाहरूका लागि चरन हुनेछन्‌।”

फुटनोटहरू

वा सम्भवतः “तिनले।”
यसको अर्थ हो, “बाँकी रहेकाहरू मात्र फर्कनेछन्‌।”
वा सम्भवतः “तर्साइदेऔँ।”
वा “त्यसका पर्खालहरूमा प्वाल पारिदेऔँ।”
हिब्रू भाषामा शिओल। शब्दावली हेर्नुहोस्‌।
वा “युवती।”
यसको अर्थ हो, “परमेश्‍वर हामीसँग हुनुहुन्छ।”
वा “वादीहरू।” शब्दावलीमा “वादी” हेर्नुहोस्‌।
वा “पानी भएका ठाउँहरूमा।”
साँढे नलगाइएको गाई।