यसैया १६:१-१४

  • मोआबविरुद्ध बाँकी घोषणा (१-१४)

१६  देशका शासकको निम्ति एउटा थुमा पठाऊ।त्यसलाई सेलाबाट निर्जनभूमिको बाटो हुँदैसियोनकी छोरीको* डाँडामा पठाऊ।  २  अर्नोनका जँघारहरूमा*+ मोआबका छोरीहरूको हालतगुँडबाट धपाइएको चराको जस्तै हुनेछ।+  ३  “सल्लाह देऊ; जे निर्णय भएको छ, त्यसलाई पूरा गर। मध्यदिनमा तिम्रो छायालाई रातजस्तै अन्धकार बनाऊ। तितरबितर भएकाहरूलाई लुकाऊ; भगुवाहरूलाई धोका नदेऊ।  ४  ए मोआब, तितरबितर भएका मेरा मानिसहरूलाई तिमीकहाँ बस्न देऊ। तिमी तिनीहरूका लागि लुक्ने ठाउँ बन र विनाश गर्नेको हातबाट तिनीहरूलाई जोगाऊ।+ अत्याचारीको नाश हुनेछ,विनाश रोकिनेछ,अरूलाई कुल्चीमिल्ची गर्नेहरू पृथ्वीबाट मेटिनेछन्‌।  ५  त्यसपछि एउटा सिंहासन स्थिर गराइनेछ, जुन अटल प्रेममा* बसालिनेछ। दाउदको पालमा बसेर त्यसमा विराजमान हुने शासक भरोसायोग्य हुनेछन्‌।+तिनले ठीकसित न्याय गर्नेछन्‌ र असल काम गर्न ढिला गर्नेछैनन्‌।”+  ६  हामीले मोआबको घमन्डबारे सुनेका छौँ; ऊ निकै हठी छ।+उसको अहङ्‌कार, घमन्ड र क्रोधबारे हामीले सुनेका छौँ।+तर उसका खोक्रा कुरा बेकार साबित हुनेछन्‌।  ७  त्यसैले मोआबले आफ्नो पतनमा विलाप गर्नेछ।त्यहाँका सबै बासिन्दाले शोक गर्नेछन्‌।+ चोट खानेजति सबै किर-हरेसेथको+ किसमिसको रोटी* सम्झेर रुनेछन्‌।  ८  किनकि हेस्बोनका+ खेतका गराहरू सुकेका छन्‌।सिब्माहको+ अङ्‌गुरको बोटका चहकिला राता हाँगाबिँगालाई*जातिजातिका राजाहरूले कुल्चीमिल्ची गरेका छन्‌।ती हाँगाबिँगा टाढा याजेरसम्म+ फैलिएका थिए;ती निर्जनभूमिसम्मै पुगेका थिए;ती फैलिएर समुद्रसम्मै पुगेका थिए।  ९  त्यसैले जसरी मैले याजेरको निम्ति शोक गरेको थिएँ, त्यसरी नै सिब्माहको अङ्‌गुरको बोटको निम्ति पनि शोक गर्नेछु। ए हेस्बोन र एलालेह!+ म तिमीहरूलाई आफ्नो आँसुले भिजाउनेछु।किनकि ग्रीष्म ऋतुका फलहरू र उब्जनीको निम्ति तिमीहरूको रमाहट खतम भएको छ।* १०  बगानबाट हर्ष र खुसीयाली लुटिएको छ।तिम्रा अङ्‌गुर बगानहरूमा खुसी र उमङ्‌गको गीत वा रमाहटको स्वर गुञ्जिँदैन।+ कोलमा अङ्‌गुर कुल्चेर मद्य निकाल्ने काम बन्द भएको छकिनकि मैले तिनीहरूको रमाहटको स्वर बन्द गरिदिएको छु।+ ११  त्यसैले म भित्रभित्रै मोआबको निम्ति विलाप गर्दै छु।+वीणाका तारहरूको झन्कारझैँमेरो मनले किर-हरेसेथको+ निम्ति शोक गरिरहेको छ। १२  मोआबले अग्लो थानमा* गएर आफूलाई थकित बनाए पनि र आफ्नो पूजाथानमा गएर जति नै बिन्ती-पुकारा गरे पनि उसलाई केही फाइदा हुनेछैन।+ १३  मोआबबारे यहोवाले पहिला नै दिनुभएको सन्देश यही हो। १४  अब यहोवा यसो भन्‍नुहुन्छ: “ज्यालादारी मजदुरको तीन वर्षभित्रै* मोआबको गौरव चर्को होहल्ला र खैलाबैलासहित धुलोमा मिल्नेछ। असाध्यै थोरै मानिस बाँकी रहनेछन्‌, तिनीहरू नभएको बराबर हुनेछन्‌।”+

फुटनोटहरू

“सियोनकी छोरी” कवितात्मक अभिव्यक्‍ति हो र सामान्यतया यसले यरुसलेमलाई वा त्यहाँका बासिन्दाहरूलाई जनाउँछ।
पैदल नै तर्न सकिने गहिराइ कम भएको नदीको भाग।
शब्दावली हेर्नुहोस्‌।
यसले किसमिसलाई थिचेर बनाइएको रोटीलाई जनाउँछ।
वा “लटरम्म रातो अङ्‌गुर फलेका हाँगाबिँगालाई।”
वा सम्भवत: “किनकि तिम्रा ग्रीष्म ऋतुका फलहरू र फसलविरुद्ध युद्धको बिगुल फुकिनेछ।”
शब्दावली हेर्नुहोस्‌।
शा., “ज्यालादारी मजदुरको जस्तो तीन वर्षभित्रै।” ज्यालादारी मजदुरको समय पहिल्यै तोकिएको हुन्थ्यो, एक दिन पनि घटबढ गरिँदैन थियो।