यसैया ३८:१-२२

  • हिजकियाह बिरामी पर्छन्‌ र निको हुन्छन्‌ (१-२२)

    • कृतज्ञ हुँदै गाएको गीत (१०-२०)

३८  त्यस समयमा हिजकियाह साह्रै बिरामी परे र मर्नै लागे।+ आमोजका छोरा भविष्यवक्‍ता यसैया+ तिनीकहाँ आए र यसो भने, “यहोवा परमेश्‍वर भन्‍नुहुन्छ: ‘आफ्नो घरानालाई भन्‍नुपर्ने कुराहरू भन किनकि अब तिम्रो रोग निको हुनेछैन, तिमी मर्नेछौ।’”+ २  त्यो सुनेर हिजकियाहले आफ्नो अनुहार भित्तातिर फर्काए र यहोवा परमेश्‍वरलाई यसरी प्रार्थना गर्न थाले: ३  “हे यहोवा! बिन्ती छ, म कसरी आफ्नो पूर्ण हृदयले अनि वफादार भएर तपाईँसामु हिँडेको थिएँ,+ त्यो नबिर्सनुहोस्‌।+ तपाईँको नजरमा जे असल छ, मैले त्यही गरेँ।” अनि हिजकियाह डाँको छोडेर रुन थाले। ४  तब यहोवाको यो वचन यसैयाकहाँ आयो: ५  “जाऊ र हिजकियाहलाई यसो भन,+ ‘तिम्रा पुर्खा दाउदका परमेश्‍वर यहोवा यसो भन्‍नुहुन्छ: “मैले तिम्रो बिन्ती सुनेँ+ र तिमीले बगाएको आँसु पनि देखेँ।+ त्यसैले म तिम्रो आयु अझै १५ वर्ष लम्ब्याइदिनेछु।+ ६  अनि म तिमीलाई र यस सहरलाई अस्सेरियाका राजाको हातबाट जोगाउनेछु। म यस सहरको रक्षा गर्नेछु।+ ७  यो कुरा यहोवाले अवश्‍य पूरा गर्नुहुनेछ भनेर देखाउन यहोवाले तिमीलाई यस्तो चिन्ह दिनुहुनेछ:+ ८  आहाजको भऱ्‍याङमा* परेको छायालाई म १० खुट्‌किला पछाडि सार्नेछु।”’”+ तब भऱ्‍याङमा अगाडि सरिसकेको छाया १० खुट्‌किला पछाडि सऱ्‍यो। ९  यहुदाका राजा हिजकियाहले आफू बिरामी पर्दा र निको हुँदा लेखेका शब्दहरू: १०  मैले भनेँ, “मेरो आधा जीवन पनि नबित्दैम चिहानको* ढोकामा छिर्नुपर्ने भयो।मेरो जीवनका बाँकी वर्षहरू मैले देख्न पाउनेछैनँ।” ११  मैले भनेँ: “मैले जीवितहरूको देशमा याहलाई,* हो, याहलाई देख्न पाउनेछैनँ।+जब म मरेकाहरूसित मिल्नेछु,तब मैले मानवजातिलाई नियाल्न पाउनेछैनँ। १२  गोठालोको पाललाई जस्तैमेरो वासस्थानलाई उखेलिएको छ र मबाट खोसिएको छ।+तानमा कपडा बुन्‍नेले कपडा बुनेर बेरेझैँ मैले आफ्नो जीवनलाई बेरेको छु।उहाँले मलाई तानको डोरी काटेझैँ काटिदिनुभएको छ।बिहानको मिरमिरेदेखि रात नपरेसम्म तपाईँ मलाई दुःख दिइरहनुहुन्छ।+ १३  म बिहानसम्म आफूलाई जसोतसो सम्हाल्छु।तर उहाँ सिंहले झैँ मेरा हड्डीहरूलाई कऱ्‍याककुरुक पारिदिनुहुन्छ।बिहानको मिरमिरेदेखि रात नपरेसम्म तपाईँ मलाई दुःख दिइरहनुहुन्छ।+ १४  गौँथली र चाँचरले* जस्तै म चिरबिर गरिरहन्छु।+म ढुकुरले जस्तै कुर्लिरहन्छु।+मास्तिर हेर्दा-हेर्दा मेरा आँखा थाकिसके।+‘हे यहोवा, म साह्रै पीडामा छु,मेरो सहारा बन्‍नुहोस्‌!’+ १५  म के नै भन्‍न सक्छु र?उहाँले जसो भन्‍नुभएको थियो, त्यसै गर्नुभयो।ममाथि आइपरेको यो दुःखको कारणम जीवनभर नम्र भएर हिँड्‌नेछु। १६  ‘हे यहोवा, प्रत्येक मानिस यी नै कुराको* भरमा बाँच्दछ।मेरो जीवन पनि यी नै कुरामा अडिएको छ।तपाईँले मलाई निको पार्नुहुनेछ र जीवितै राख्नुहुनेछ।+ १७  हेर्नुहोस्‌! म शान्तिको साटो तीतोपनाले भरिएको थिएँ।तर तपाईँले मलाई विनाशको खाडलमा जाकिनदेखि जोगाउनुभयो,+मेरा सबै पापहरूलाई तपाईँले आफ्नो नजरबाट हटाउनुभयो*+किनकि तपाईँ मदेखि खुसी हुनुहुन्थ्यो। १८  चिहानले* तपाईँको महिमा गर्न सक्दैन।+मृत्युले तपाईँको जयजयकार गर्न सक्दैन।+मृत्युको खाडलमा जानेहरूले तपाईँको वफादारीको आशा गर्न सक्दैनन्‌।+ १९  जिउँदाहरूले, हो, जिउँदाहरूले मात्र तपाईँको प्रशंसा गर्न सक्छन्‌,जसरी आज म गर्दै छु।अनि बुबाले आफ्ना छोराहरूलाई तपाईँको वफादारीबारे शिक्षा दिन सक्छन्‌।+ २०  हे यहोवा! मलाई बचाउनुहोस्‌अनि हामी आफ्नो जीवनभर यहोवाको भवनमा रहेर+मैले रचेका गीतहरू तारे बाजाहरूमा गाउनेछौँ।’”+ २१  तब यसैयाले यसो भने: “सुकेका अन्जिरको लेप* ल्याएर राजाको पिलोमा लगाइदेऊ र उहाँ निको हुनुहुनेछ।”+ २२  हिजकियाहले यस्तो प्रश्‍न सोधेका थिए: “म यहोवाको भवनमा जान पाउनेछु भन्‍ने कुराको चिन्ह के हुनेछ?”+

फुटनोटहरू

सायद यी भऱ्‍याङहरूलाई सौर्यघडीलाई जस्तै समयको हिसाब राख्न प्रयोग गरिन्थ्यो।
हिब्रू भाषामा शिओल। शब्दावली हेर्नुहोस्‌।
“याह,” यहोवा नामको छोटो रूप हो।
वा सम्भवत: “सारसले।”
अर्थात्‌, परमेश्‍वरको वचन र उहाँको कामको।
शा., “आफ्नो पिठ्यूँपछाडि फालिदिनुभयो।”
हिब्रू भाषामा शिओल। शब्दावली हेर्नुहोस्‌।
शा., “सुकेका अन्जिरहरूलाई थिचेर बनाइने रोटी।”