Same 105:1-45

  • Daudina o Jiova vei ira nona tamata

    • Nanuma na Kalou nona veiyalayalati (8-10)

    • “Kua ni tarai ira na noqu lumuti” (15)

    • Vakayagataki Josefa na Kalou ni se vesu tu (17-22)

    • Cakamana ni Kalou mai Ijipita (23-36)

    • Biuti Ijipita na Isireli (37-39)

    • Nanuma na Kalou nona veiyalayalati kei Eparama (42)

105  Ni vakavinavinaka vei Jiova,+ kaciva na yacana,Vakatakila na nona cakacaka vei ira na veimatatamata!+   Ni sere vua, sere vua ena vakacaucau,*Vakasamataka vakabibi* na nona cakacaka veivakurabuitaki kece.+   Ni sakitaka na yacana tabu.+ Me marau vakalevu na lomadra era vakasaqarai Jiova.+   Vakasaqarai Jiova+ kei na nona kaukaua. Vakasaqara tiko ga na matana.*   Nanuma na cakacaka veivakurabuitaki sa cakava o koya,Nona cakamana kei na lewa sa tauca,+   O kemuni na kawa i Eparama na nona dauveiqaravi,+O kemuni na luvei Jekope oni nona digitaki.+   O koya ga o Jiova na noda Kalou.+ Sa roboti vuravura taucoko na nona lewa.+   E nanuma o koya na nona veiyalayalati me tawamudu,+Na nona yalayala* vei ira na udolu na itabatamata,+   Na veiyalayalati e cakava kei Eparama,+Kei na bubului e cavuta vei Aisake,+ 10  E tauyavutaka me ivakaro vei JekopeMe veiyalayalati tawamudu vei Isireli, 11  E kaya, “Au na solia vei iko na vanua o Kenani+Me nomu ivotavota mo taukena.”+ 12  Qo nira se le lailai ga,+Io, era le lailai sara ra qai vulagi ena vanua.+ 13  Era lako voli mai na dua na vanua ina dua tale na vanua,Mai na dua na matanitu ina dua na mataqali.+ 14  E sega ni vakalaiva e dua na tamata me vakasaurarataki ira,+Ia e vunauci ira na tui ena vukudra,+ 15  E kaya, “Kua ni tarai ira na noqu lumuti,Kua tale ga ni cakava na ka ca vei ira na noqu parofita.”+ 16  E lewa me dausiga na vanua,+E muduka na kedra ivakarau madrai.* 17  Sa tala e dua na tamata me liu vei iraO koya a volitaki me dua na bobula, o Josefa.+ 18  Era vesuka vata* na yavana ena iqamuniyava,+E biu e domona na kaukamea; 19  Me yacova na gauna e vakadinadinataki kina na nona vosa,+Na vosa i Jiova e vakasavasavataki koya. 20  Sa talatala mai na tui me sereki,+Na iliuliu ni veimatatamata sa sereki koya. 21  E lesi koya me turaga ena nona vale,Me lewa tale ga na nona iyau kece,+ 22  Me lewa vei ira* na nona turaga me vaka e vinakataQai vakavulici ira na nona qase ena vuku.+ 23  Sa qai lako mai Ijipita o Isireli,+E qai bula tiko o Jekope me vaka e dua na vulagi ena vanua o Ame. 24  E vakavuna na Kalou mera vakawa vakalevu na nona tamata,+E vakavuna mera kaukaua sara vei ira na kedra meca,+ 25  E vakavuna me veisau na lomadra mera cata na nona tamata,Mera bukiveretaka na nona dauveiqaravi.+ 26  E tala yani o koya na nona dauveiqaravi o Mosese,+Kei Eroni,+ o koya e digitaka. 27  Erau vakayacora na nona ivakatakilakila ena kedra maliwa,Na nona cakamana ena vanua o Ame.+ 28  E tala yani o koya na butobuto, mani buto na vanua,+Era sega ni talaidredre ina nona vosa. 29  E vukica o koya na medra wai me draQai vakamatea na kedra ika.+ 30  E robota na nodra vanua na boto,+Ena rumu mada ga vakatui. 31  E vakaroti ira na lago dau gunu dra mera curu yaniKei na nana ena nodra yasana kece.+ 32  E vukica na nodra uca me uca qereqereQai tala yani na liva* ina nodra vanua.+ 33  E samuta o koya na nodra vunivaini kei na vuniloloQai vakacacana na veivunikau ena nodra yasana. 34  E tukuna o koya mera curuma na vodre,Na vodre gone e sega ni wili rawa.+ 35  Era kanalaka na kau kece ena vanua,Era kanalaka tale ga na vuaniqele. 36  E qai vakamatei ira kece na ulumatua ena nodra vanua,+Na itekitekivu ni nodra kaukaua ni vakatubukawa. 37  E kauti ira mai na nona tamata era vakasiliva kei na koula,+Qai sega ni tarabe e dua na nona yavusa. 38  E marau vakalevu o Ijipita nira sa biubiu,Nira domobulataki Isireli.*+ 39  E tevuka o koya na o me lati ira+Kei na bukawaqa me veivakararamataki ena bogi.+ 40  Era kerekere, qai solia mai o koya na manumanuvuka,*+E vakamamautaki ira tiko ga ena madrai mai lomalagi.+ 41  E vida o koya na vatu, qai drodro mai na wai,+E drodro sara vaka na uciwai ina vanua dravuisiga.+ 42  Ni nanuma o koya na veiyalayalati tabu e cakava vei Eparama na nona dauveiqaravi.+ 43  E mani kauti ira mai na nona tamata ena reki,+O ira na nona digitaki ena tagi ni marau levu. 44  E solia vei ira o koya na nodra vanua na veimatanitu,+Era taukena na ka era cakacakataka vakaukaua eso tale na matatamata mera tamusuka,+ 45  Mera dei tiko kina ena nona ivakaro+Ra qai muria na nona lawa. Vakacaucautaki Ja!*

iVakamacala e ra

Se “vakatagi.”
Se rawa ni, “Tukuna.”
Se “vanua e tiko kina.”
Ipe., “Na vosa e vakarota.”
Ipe., “E musuka na kau kece ni madrai.” Rawa ni dusia na kau dau maroroi kina na madrai.
Ipe., “Era vakararawataka.”
Ipe., “Me vauca.”
Se “yameyame ni bukawaqa.”
Ipe., “o ira.”
Raica na ivakamacala e ra ni Lako Yani 16:13.
Se “Aleluya!” Na “Ja” na ivakaleka ni yaca Jiova.