Same 103:1-22
Na same i Tevita.
103 Meu vakacaucautaki Jiova,Me vakacaucautaka na yacana tabu na ka kece e tu e lomaqu.
2 Meu vakacaucautaki Jiova,Meu kua ni guilecava na ka kece sa cakava o koya.+
3 E vosota o koya na nomu cala kece+Qai vakabulai iko mai na kemu mate kece,+
4 E vakalesuya mai na qara* na nomu bula,+Qai vakaisalataki iko ena dei ni nona loloma kei na yalololoma.+
5 E vakamamautaki iko o koya ena veika vinaka+ ena nomu bula taucoko,Me vakavoui kina nomu kaukaua vakaitabagone me vaka na ikeli.+
6 O Jiova e dau cakacaka ena yalododonu+ qai lewadodonuEna vukudra kece na vakasaurarataki.+
7 E vakatakila vei Mosese na nona sala,+Na nona cakacaka vei ira na luvei Isireli.+
8 O Jiova sa yalololoma qai dauveinanumi,*+E berabera ni cudru qai vuabale ena loloma e dei.*+
9 E sega ni dau vaqara cala o koya,+Se cudru tiko me tawamudu.+
10 E sega ni totogitaki keda me vaka na noda ivalavala ca,+Se me sauma vei keda na ka e dodonu me isau ni noda cala.+
11 Me vaka na cecere ni lomalagi mai na vuravura,E va tale ga oya na levu ni nona loloma e dei vei ira na rerevaki koya.+
12 Me vaka na yawa ni icabecabe ni siga mai na idromudromu ni siga,+Sa biuta vakayawa vei keda o koya na noda cala.
13 Me vaka na nona yalololoma na tama vua na luvena,Sa yalololoma o Jiova vei ira na rerevaki koya.+
14 Ni kila vinaka o koya na keda ibulibuli,+E nanuma tiko nida kuvuniqele.+
15 Ia na tamata, na nona siga e vaka ga na co,+E seraka vaka na senikau ni vanua.+
16 Ia ni liwa na cagi, sa yali tale,Me vaka ga a sega ni tu e kea.*
17 Ia e tawamudu* na dei ni loloma i JiovaVei ira na rerevaki koya,+Kei na nona yalododonu vei ira na luvei luvedra,+
18 Vei ira na dei ena nona veiyalayalati+Kei ira na qarauna mera muria na nona ivakaro.
19 O Jiova sa vakataudeitaka na nona idabedabe vakaturaga e lomalagi,+Na nona itutu tale ga vakatui sa lewa na ka kece ga.+
20 Vakacaucautaki Jiova, kemuni kece na nona agilosi,+ oni cecere ena kaukaua,Oni vakayacora na nona vosa,+ oni talairawarawa ina domona.*
21 Ni vakacaucautaki Jiova, na nona mataivalu kece,+Na nona dauveiqaravi era cakava na lomana.+
22 Ni vakacaucautaki Jiova, na nona cakacaka kece,Ena vanua kece e veiliutaki kina.*
Me vakacaucautaki Jiova na yagoqu taucoko.
