Same 42:1-11
Vei koya na dairekita. Masikili* vei ira na luvei Kora.+
42 Me vaka na dia e via gunu wai,Au gadrevi kemuni gona, na Kalou.
2 Au karamaca ena vuku ni Kalou, ena vuku ni Kalou bula.+
Ena gauna cava meu rairai kina ena mata ni Kalou?+
3 E qau kakana na wainimataqu ena siga kei na bogi,Ena siga taucoko era vakanini au na tamata: “I vei na nomu Kalou?”+
4 Au nanuma na veika qo qai talaucaka na lomaqu,Niu a taubale kei na ilala levu ena dua na gauna,Au dau taubale yani ena vakarokoroko* e matadra ina vale ni Kalou,Ena domo ni marau levu kei na vakavinavinaka,Ni ilawalawa levu era tiko ena soqo.+
5 Na cava au yalolailai kina?+
Na cava au sa rui lomaleqa kina?
Waraka na Kalou,+Niu na vakacaucautaki koya ni noqu iVakabula Cecere.+
6 Noqu Kalou, au sa yalolailai.+
Qori na vuna au nanumi kemuni kina,+Mai na vanua o Joritani ena ulunivanua i Erimoni,Mai Ulu i Maisa.*
7 E kaci yani na wai titobu ina wai titobuNi vadugu na nomuni savu.
Sa luvuci au na nomuni biau kece era se mai.+
8 Ena siga, ena vakaraitaka mai vei au o Jiova na dei ni nona loloma,Ena bogi, ena tiko ga kei au na nona sere—na masu vua na Kalou ni noqu bula.+
9 Au na tukuna vua na Kalou, na noqu uluvatu:+
“Na cava oni sa guilecavi au kina?
Na cava meu lako voli kina ena rarawa ena vuku ni nona veivakacacani na kequ meca?”+
10 Era vakanini au na kequ meca nira cati au,*Ena siga taucoko era vakanini au: “I vei na nomu Kalou?”+
11 Na cava au yalolailai kina?
Na cava au sa rui lomaleqa kina?Waraka na Kalou,+Niu na vakacaucautaki koya, ni noqu iVakabula Cecere e noqu Kalou tale ga.+
iVakamacala e ra
^ Raica na iVakamacala ni Vosa.
^ Se “taubale vakamalua.”
^ Se “Mai na ulunivanua lailai.”
^ Se rawa ni, “Me vaka e qaqiraki tiko na suiqu.”
