Same 85:1-13
Vua na dairekita. Na nodra same na luvei Kora.+ Na sere.
85 Oni vakaraitaka na yalololoma, i Jiova, ina nomuni vanua,+Oni kauti ira lesu mai na nei Jekope era kau vakavesu.+
2 Oni vosota na nodra cala na nomuni tamata,Oni vosota* kece na nodra ivalavala ca.+ (Sela)
3 Oni tarova kece tu na nomuni cudru levu,Oni gole tani mai na nomuni cudru waqawaqa.+
4 Ni vakalesui keimami,* kemuni na Kalou na neimami ivakabula,Qai biuta vakatikitiki na nomuni rarawataki keimami.+
5 Oni na cudruvi keimami me tawamudu?+
Oni na yaraka nomuni cudru mai na dua na itabatamata ina dua tale na itabatamata?
6 Vakacava oni na sega ni vakabulabulataki keimami taleMera marautaki kemuni kina vakalevu na nomuni tamata?+
7 Ni vakaraitaka vei keimami na dei ni nomuni loloma, i Jiova,+Qai vakadonuya me keimami vakabulai.
8 Au na rogoca na ka e tukuna na Kalou dina o Jiova,Ni na vosa ni veivakacegui o koya vei ira na nona tamata,+ vei ira nona tamata yalodina,Ia mera kua ni lesu tale ina nodra nuitaki ira vakasivia.+
9 Sa voleka dina na nona veivakabulai vei ira na rerevaki koya,+Me tu kina ena noda vanua na kena lagilagi.
10 Na loloma e dei kei na yalodina erau na sota,Na yalododonu kei na sautu erau na veireguci.+
11 Na yalodina ena buroro mai vuravura,Qai rai sobu mai lomalagi na yalododonu.+
12 Io, ena solia o Jiova na ka vinaka,*+Qai vuataka na noda vanua na ka me tamusuki.+
13 Ena lako e matana na yalododonu+Qai vakarautaka na sala me lakova.