Same 99:1-9
99 Sa Tui o Jiova.+ Mera sautaninini na veimatatamata.
E dabe tu o koya ena idabedabe vakaturaga ena dela ni* jerupi.+ Me sakure o vuravura.
2 O Jiova e cecere e Saioni,E cecere sara o koya vei ira na veimatatamata.+
3 Mera vakacaucautaka na yacamuni cecere,+Ni vakatubuqoroqoro qai savasava.
4 O koya na tui qaqa e dau taleitaka na lewadodonu.+
Oni sa vakataudeitaka na ka dodonu.
Oni sa kauta mai na lewadodonu kei na yalododonu+ vei Jekope.
5 Vakacerecerei Jiova na noda Kalou+ qai cuva* ena itutu ni yavana,+E savasava o koya.+
6 E rua vei ira na nona bete o Mosese kei Eroni,+Qai dua vei ira na dau kaciva na yacana o Samuela.+
Era dau kaci vei Jiova,Qai dau rogoci ira o koya.+
7 E dau vosa vei ira mai na duru o.+
Era dei tiko ena nona veivakadreti kei na lawa e solia vei ira.+
8 Kemuni Jiova na neimami Kalou, oni rogoci ira.+
O kemuni na Kalou oni vosoti ira,+Oni totogitaki* ira ena vuku ni nodra ivalavala ca.+
9 Vakacerecerei Jiova na noda Kalou+Qai cuva* ena mata ni nona ulunivanua tabu,+Ni savasava o Jiova na noda Kalou.+
iVakamacala e ra
^ Se rawa ni,“ena maliwa.”
^ Se “sokalou.”
^ Ipe., “Oni tauca vei ira na cudru.”
^ Se “sokalou.”
