Same 112:1-10
112 Ni vakacaucautaki Ja!*+
ב [Alefa]
E marau na tamata e rerevaki Jiova,+ב [Peca]
E marautaka vakalevu na nona ivunau.+
ג [Kimela]
2 Ena qaqa e vuravura na nona kawa,ד [Teleca]
Ena vakalougatataki tale ga na nona itabatamata na yalododonu.+
ה [Ai]
3 E tiko e nona vale na iyau kei na ilavo,ו [Vau]
Qai tawamudu na nona yalododonu.
ז [Sayini]
4 Vei ira na yalododonu, e serau o koya me vaka na rarama ena butobuto.+
ח [Eca]
E dauveinanumi,* dauyalololoma+ qai yalododonu.
ט [Teca]
5 Na tamata e dau soli ka ena lomasavu, ena vakila na kena vinaka.+
י [Yota]
E lewadodonu ena ka e cakava.
כ [Kafa]
6 Ena sega vakadua ni yavalati o koya,+ל [Lameta]
Ena nanumi me tawamudu na yalododonu.+
מ [Memi]
7 Ena sega ni rerevaka o koya na itukutuku ca.+
נ [Nuni]
E dei na lomana, ni nuitaki Jiova.+
ס [Sameki]
8 E sega ni yavalati rawa* na lomana, e sega ni rere,+ע [Ayini]
Ena raica ena qaqa nodra bale na kena meca.+
פ [Pe]
9 E wasewase o koya ena lomasavu, e soli ka vua na dravudravua.+
צ [Sati]
Na nona yalododonu ena tu ga me tawamudu.+
ק [Kofa]
Ena vakalagilagi qai vakacerecerei na nona kaukaua.*
ר [Resi]
10 Ena raica na daucaka ca qai rarawa.
ש [Sini]
Ena qurubati qai waicala yani.
ת [Tau]
Na ka era gadreva na daucaka ca ena sega ni yaco.+
