Same 48:1-14
Na Same.Na nodra sere na luvei Kora.+
48 O Jiova e cecere qai ganiti koya duadua ga na veivakacaucautakiEna koro ni noda Kalou, ena nona ulunivanua tabu.
2 E totoka ena kena lagilagi, e marautaki e vuravura taucoko,+Na Ulu i Saioni e tu yawa ena vualiku,Na nona koro na Tui Cecere.+
3 Ena kena valececere vakabai,Sa vakatakila na Kalou ni o koya na ivakaruru tudei.*+
4 Ni raica! era sa soqoni vata na tui,*Era toso vata yani i liu.
5 Nira raica, era kidroataka.
Era taqaya ra qai gutuwa ena domobula.
6 E tarai ira e kea na sautaninini,Era mosi me vaka na yalewa e vakasucu.
7 Oni vakavuna mera voca na waqa ni Tasisi ena cagi tokalau.
8 Na ka eda rogoca, eda sa mai raica sara gaEna koro i Jiova ni lewe vuqa,* ena koro ni noda Kalou.
Na Kalou ena vakataudeitaka me tawamudu.+ (Sela)
9 Keimami vakasamataka vakabibi na dei ni nomuni loloma, kemuni na Kalou,+Ena nomuni valenisoro.
10 Me vaka ga na yacamuni, na Kalou, na nomuni vakacaucautakiE yacova na iyalayala kei vuravura.+
Na ligamuni imatau e sinai ena yalododonu.+
11 Me marau vakalevu na Ulu i Saioni,+Mera marau na tauni* e Juta, ena vuku ni nomuni lewa.+
12 Ni lako wavokiti Saioni, ni wavokita taucoko,Ni wilika na kena valececere.+
13 Me dei e lomamuni na kena bainivalu.*+
Vakadikeva na kena valececere vakabai,Moni rawa ni talanoataka ena veitabatamata ena muri mai.
14 Ni Kalou qo e noda Kalou+ me tawamudu, io me tawamudu.
Ena tuberi keda o koya me tawamudu.*+
iVakamacala e ra
^ Se “na vanua cecere tudei.”
^ Se “sa sota nira veiyalayalati.”
^ Qo na mataivalu vakalomalagi.
^ Ipe., “luvena yalewa.”
^ Se “bai kaukaua.”
^ Se rawa ni, “me yacova nida mate.”
