Same 101:1-8
Na Same i Tevita. Na sere.
101 Au na seretaka na loloma e dei kei na lewadodonu.
Au na sere ena vakacaucau* vei kemuni Jiova.
2 Au na qarauna na noqu ivalavala me sega ni vakamelei rawa.*
Oni na lako mai vei au enaica?
Au na lako ena yalodina+ ena loma ni noqu vale.
3 Au na sega ni biuta e dua na ka tawayaga* e mataqu.
Au cata na nodra ivalavala na gole tani mai na ka dodonu,+Au na sega ni cakava kei ira e dua na ka.*
4 E sega e lomaqu na veidabui,Au na sega ni vakadonuya* na ka ca.
5 O koya e vakaucacataka lo na kainona,+Au na vagaluya.*
O koya e dokadoka na matana qai qaciqacia na lomana,Au na sega ni laiva tu ga.
6 Au na rai vei ira na yalodina e vuravura,Me rawa nira tiko kei au.
O koya e tawacala* ena qaravi au.
7 Ena sega ni tiko ena noqu vale na tamata veivakaisini,Na daulasulasu tale ga ena sega ni duri e mataqu.
8 Ena veimataka au na vagalui* ira na daucaka ca kece ni vuravura,Meu muduki ira kece na daucaka cala mai na koro i Jiova.+
