Same 27:1-14
Na same i Tevita.
27 O Jiova ga na noqu rarama+ kei na noqu ivakabula.
O cei meu rerevaka?+
O Jiova ga na bai kaukaua ni noqu bula.+
O cei meu domobulataka?
2 Nira valuti au na daucaka ca mera kanilaka na lewequ,+Era tarabe qai bale o ira na cati au kei na kequ meca.
3 Ke ra mani vakaduria na nodra keba na mataivalu mera saqati au,Ena sega ni rere na lomaqu.+
Keu mani valuti,Au na nuidei tu ga ena gauna oya.
4 E dua na ka au kerea vei Jiova—Qori na ka au vakanamata kina—Meu tiko ga ena vale i Jiova ena siga kece ni noqu bula,+Meu sarava na lagilagi i JiovaMeu vakaraica tiko nona valenisoro* ena vakavinavinaka.*+
5 Ni na vunitaki au o koya ena nona ivakaruru ena siga ni leqa,+Ena tabonaki au ena vanua vuni ena nona valelaca,+Ena biuti au o koya ena delanivatu.+
6 Ia na uluqu sa cecere cake vei ira na kequ meca era wavoliti au,Au na kaila ena marau niu vakacaboisoro ena nona valelaca,Au na sere ena vakacaucau* vei Jiova.
7 Ni rogoci au, i Jiova niu tagi yani,+Ni nanumi au, ni rogoci au.+
8 E kaya na lomaqu me baleti kemuni:
“Vakasaqara moni kunea na mataqu.”
Na matamuni, i Jiova au na vakasaqara meu kunea.+
9 Ni kua ni vunia na matamuni vei au.+
Ni kua ni vagolea tani na nomuni dauveiqaravi ena nomuni cudru.
Oni dau vukei au,+Ni kua ni vakanadakui au se laivi au, na noqu Kalou e dauveivakabulai.
10 Ke biuti au mada ga o tamaqu kei tinaqu,+O Jiova ga ena maroroi au.+
11 Ni vakavulici au ena nomuni sala, i Jiova,+Ni liutaki au ena sala ni yalododonu ena vukudra na kequ meca.
12 Ni kua ni soli au vei ira na kequ meca,+Nira tu mera saqati au na ivakadinadina lasu,+Era qai vakarerei au ena itovo kaukaua.
13 Au na tu e vei ke sega vei au na vakabautaNiu na raica na vinaka i Jiova ena nodra vanua na bula?*+
14 Nuitaki Jiova,+Mo yaloqaqa qai dei na lomamu.+
Io, mo nuitaki Jiova.
iVakamacala e ra
^ Se “tikina tabu.”
^ Se “Meu raica qai vakasamataka.”
^ Se “Au na vakatagi.”
^ Se rawa ni, “Au vakabauta dina niu na raica na vinaka i Jiova ena nodra vanua na bula.”
