Same 114:1-8
114 Ni biubiu o Isireli mai Ijipita,+Na mataqali i Jekope mai na matatamata e duatani na nodra vosa,
2 Sa mai nona itikotiko tabu* o Juta,Na nona matanitu o Isireli.+
3 E raica qori na wasawasa qai dro,+E lesu tale na Joritani.+
4 E veiladeyaki voli vaka na tamanisipi na veiulunivanua,+Na veidelana me vaka na lami.
5 Na cava o dro kina, o iko wasawasa?+
Cava o lesu tale kina, o iko Joritani?+
6 Na cava oni veiladeyaki voli kina vaka na tamanisipi, kemuni na veiulunivanua,Vaka na lami, kemuni na veidelana?
7 Mo sautaninini o iko vuravura, ena vuku ni Turaga,Ena vuku ni Kalou i Jekope,+
8 O koya e vukica na vatu me tobu ni kuta,Kei na vatu gagata me waivure.+
iVakamacala e ra
^ Se “nona vanua tabu.”
