Same 143:1-12
Na sere i Tevita.
143 Kemuni Jiova, ni rogoca na noqu masu,+Rogoca na noqu vakamamasu ni kere veivuke.
Ni rogoci au mai, ni oni yalodina qai yalododonu.
2 Ni kua ni veilewaitaka na nomuni dauveiqaravi,Ni sega ni dua e bula tiko e rawa ni yalododonu e matamuni.+
3 Ni vakacemuri au voli na mecaE qaqiraka sobu na noqu bula ina qele.
E vakavuna meu tiko ena buto me vakataki ira na se mate makawa sara.
4 Na yaloqu* sa malumalumu mai,+Sa nunu na lomaqu.+
5 Au nanuma na veisiga makawa,Au vakasamataka vakatitobu na nomuni cakacaka kece,+Au vakasamataka vakabibi* na cakacaka ni ligamuni.
6 Au dedeka yani na ligaqu vei kemuni,Au sa vaka na vanua mamaca e karamaca tu vei kemuni.+ (Sela)
7 Kemuni Jiova, ni rogoci au mai vakatotolo,+Sa oti na noqu kaukaua.*+
Kua ni vunitaka vei au na matamuni,+Deu na vakataki ira na lako sobu ina qara.*+
8 Meu rogoca na dei ni nomuni loloma ena mataka,Niu nuitaki kemuni.
Vakatakila vei au na sala meu lakova,+Niu sa golevi kemuni yani.
9 Kemuni Jiova, ni vakabulai au vei ira na kequ meca.
Au sa qara na nomuni veitaqomaki.+
10 Ni vakavulici au meu cakava na lomamuni,+Ni oni noqu Kalou.
E vinaka na yalomuni,Me tuberi au ena vanua tautauvata.*
11 Kemuni Jiova, ni maroroi au meu bula ena vuku ni yacamuni.
Ni vakabulai au mai na leqa, ni oni yalododonu.+
12 Ni dei na nomuni loloma, ni vakaoti* ira na kequ meca,+Vakarusai ira kece na vakacacani au,+Niu nomuni dauveiqaravi.+
iVakamacala e ra
^ Se “Na noqu kaukaua.”
^ Se “ni vulica.”
^ Se “ina ibulubulu.”
^ Ipe., “yalo.”
^ Se “na vanua ni yalododonu.”
^ Ipe., “vagalui.”
