Same 90:1-17
Na masu i Mosese, na tamata ni Kalou dina.+
90 I Jiova, o kemuni ga oni neimami itikotiko*+ ena itabatamata kece.
2 Ni bera ni sucu na veimatanituSe na nomuni vakatubura mai* na vuravura kei na vanua bulabula,+Mai na gauna tawamudu ina gauna tawamudu oni Kalou tu ga.+
3 Oni vakalesuya na tamata ina kuvuniqele,Oni kaya: “Lesu mai, na luve ni tamata.”+
4 Ni duanaudolu na yabaki e matamuni e vaka ga na tasivi ni siga enanoa,+Me vaka ga na gauna ni yadra ena bogi.
5 Oni taviraki ira laivi,+ era sa vaka wale na moce,Ena mataka era vaka na co e kadre mai.+
6 Ena mataka e seraka mai qai bulabula,Ia ena yakavi e malai qai raqosa yani.+
7 Ni keimami sa tilomi ena nomuni cudru+Keimami qai domobula ena nomuni cudru levu.
8 Oni sa kila na neimami cala,*+Na neimami ka vuni sa vakavotui ena rarama ni matamuni.+
9 Na neimami siga* sa seavu ena vuku ni nomuni cudru waqawaqa,E mai cava na neimami yabaki me vaka na vakasolokakana.*
10 Na balavu ni neimami bula e 70 na yabaki,Se 80+ ke kaukaua sara e dua.*
Ia era vakasinaiti ena leqa kei na rarawa,E totolo ga na kena tasiri, keimami qai vuka yani.+
11 O cei e katuma rawa na levu ni nomuni cudru?
Na nomuni cudru waqawaqa e cecere me vaka ga na nomuni dokai.+
12 Ni vakavulici keimami me keimami wilika vakacava na neimami siga+Me keimami rawata kina na lomavuku.
13 Ni lesu mai Jiova!+ Ena vakacava na dede ni ka qo?+
Ni lomani ira na nomuni dauveiqaravi.+
14 Ena mataka, ni vakacegui keimami ena dei ni nomuni loloma,+Me keimami kaila kina ena marau, me keimami marau vakalevu+ ena veisiga kece ni neimami bula.
15 Ni vakamarautaki keimami vakalevu me tautauvata kei na veisiga oni vakararawataki keimami kina,+Me vaka na levu ni yabaki keimami sotava kina na leqa.+
16 Mera raica na nomuni tamata na nomuni cakacaka,Mera raica tale ga na luvedra na kemuni lagilagi.+
17 Me tiko vei keimami na loloma i Jiova na neimami Kalou,Moni vakalougatataka* na cakacaka ni liga i keimami.
Io, moni vakalougatataka* na cakacaka ni liga i keimami.+
iVakamacala e ra
^ Se rawa ni, “neimami ivakaruru.”
^ Se “vakatubura mai ena mosi ni taratara.”
^ Se “Oni kila na neimami cala.”
^ Se “neimami bula sa malumu.”
^ Se “vutugu.”
^ Se “Se 80 ena vukuni kaukaua kunekuneidredre.”
^ Se “vakataudeitaka.”
^ Se “vakataudeitaka.”
