Same 32:1-11
Na same i Tevita. Masikili.*
32 E marau o koya sa vosoti na nona cala, sa ubi* na nona ivalavala ca.+
2 E marau na tamata e sega ni beitaka o Jiova ni cala,+Sa sega vua na yalo ni veidabui.
3 Niu galu tiko, sa yavu na suiqu ena noqu vutugu voli ena siga taucoko.+
4 Ena siga kei na bogi sa bibi vei au na ligamuni.*+
Na noqu kaukaua sa cawa* vaka na wai ena vulaikatakata. (Sela)
5 Au sa qai vakatusa vei kemuni na noqu valavala ca,Au sega ni ubia na noqu cala.+
Au kaya: “Au na vakatusa na noqu valavala ca vei Jiova.”+
Oni qai vosota na ca ni noqu valavala ca.+ (Sela)
6 Qo na vuna era na masu kina vei kemuni na yalodina kece+Ni oni se kune rawa.+
Ena gauna qori, na wai ni waluvu mada ga ena sega ni yaco vua.
7 O kemuni na noqu ivunivuni,Oni na taqomaki au mai na leqa.+
Oni na vakavolivoliti au ena kaila ni marau ni veivakabulai.+ (Sela)
8 “Au na vakayalomatuataki iko qai vakavulici iko ena sala mo muria.+
Au na vakasalataki iko niu raici iko+ tiko e mataqu.
9 Kua ni vaka na ose se asa e sega ni kila e dua na ka,+E dau tarovi nodrau kaukaua ena varaele se na ivesu ni domoNi bera ni rau torovi iko mai.”
10 E levu sara na nona rarawa na daucaka ca,Ia o koya e nuitaki Jiova ena wavoliti koya na dei ni nona loloma.+
11 Ni marautaki Jiova, ni marau vakalevu o kemuni na yalododonu,Ni kaila ena marau o kemuni kece e dodonu na lomamuni.
iVakamacala e ra
^ Raica na iVakamacala ni Vosa.
^ Se “vosoti.”
^ Se “sa sega ni marautaki.”
^ Se “Na noqu wai ni bula sa veisau.”