Same 28:1-9
-
Rogoci na masu ni daunisame
-
‘Jiova e noqu kaukaua kei na isasabai (7)
-
Na same i Tevita.
28 Au kaci tiko ga yani vei kemuni, i Jiova na noqu Uluvatu,+Ni kua ni vakadidivarataka na daligamuni vei au.
Ke oni galuvi au tiko ga,Au na vakataki ira na lako sobu ina qara.*+
2 Ni rogoca noqu vakamamasu niu kere veivuke vei kemuniNiu laveta cake yani na ligaqu ina rumu sara e loma ni nomuni tikina tabu.+
3 Ni kua ni yarataki au laivi kei ira na daucaka ca, kei ira na dau cakava na ka mosimosi,+O ira na veivosakitaka tiko na vosa ni veisaututaki kei na wekadra, ni se tu e lomadra na ca.+
4 Ni sauma lesu vei ira na nodra ivalavala,+Me vaka ga na ca era dau cakava,Ni sauma lesu vei ira na cakacaka ni ligadra.
Me vaka ga na ka era cakava.+
5 Nira sega ni bau kauaitaka na cakacaka i Jiova,+Se na cakacaka ni ligana.+
Ena basuraki ira sobu o koya, qai sega ni vakaduri ira tale.
6 Me vakacaucautaki mada ga o Jiova,Ni rogoca o koya na noqu vakamamasu ni kere veivuke.
7 O Jiova e noqu kaukaua+ kei na noqu isasabai,+E nuitaki koya na lomaqu.+
Au sa ciqoma na nona veivuke, qai marau vakalevu na lomaqu,Au na vakacaucautaki koya kina ena noqu sere.
8 O Jiova e nodra kaukaua na nona tamata,O koya na bai kaukaua, e kauta mai na veivakabulai cecere vua na nona lumuti.+
9 Ni vakabulai ira na nomuni tamata qai vakalougatataka na nomuni ivotavota.+
Ni vakatawai ira qai keveti ira e ligamuni me tawamudu.+
iVakamacala e ra
^ Se “ibulubulu.”
