Same 46:1-11
Vei koya na dairekita.Nodra same na luvei Kora.+Me vaka na ivakarau ni Alamoca.* Na sere.
46 Na Kalou e noda ivakaruru kei na kaukaua,+E dau tu vakarau me vukei keda ena gauna ni rarawa.+
2 Qori na vuna eda na sega kina ni rere, se mani yaco e vuravura na veisau,Se mani vakatoboicu na veiulunivanua ina vanua titobu e wasawasa,+
3 Se mani vadugu na wai qai vuso mai,+Se mani suaigelegele na veiulunivanua ena kena yavavala. (Sela)
4 Na wai lailai ni dua na uciwai e vakavuna na marau levu ina koro ni Kalou,+Na valeniveitavaki lagilagi qai savasava i koya sa Cecere Duadua.
5 E tiko ena koro na Kalou,+ ena sega ni vakavuai rawa.
Ena mai veivuke kina na Kalou ni kida na mataka.+
6 Era maue na veivanua, era vakavuai na veimatanitu,E tabalaka na domona qai waicala na vuravura.+
7 O Jiova ni lewe vuqa* e tiko kei keda,+Na Kalou i Jekope e noda ivakaruru tudei.* (Sela)
8 Lako mai mo vakadinadinataka na cakacaka i Jiova,Na nona cakava na veika veivakurabuitaki e vuravura.
9 Ena mai vakaotia o koya na ivalu e vuravura taucoko.+
E musuka o koya na dakaititi qai vorolaka na moto,E vakama na qiqinivalu* ena bukawaqa.
10 “Moni soro qai kila ni o yau na Kalou.
Au na vakacerecerei ena kedra maliwa na veimatanitu,+Au na vakacerecerei e vuravura.”+
11 O Jiova ni lewe vuqa* e tiko kei keda,+Na Kalou i Jekope e noda ivakaruru tudei.+ (Sela)
