Same 57:1-11
Vei koya na dairekita, vakarautaki ina “Kua ni Vakarusa.” Na same i Tevita. Mikitami.* Ni drovaki Saula ina qara.+
57 Ni nanumi au, kemuni na Kalou, ni nanumi au,Niu sa mai vakaruru vei kemuni,+Au mai vakaruru tale ga ena ruku ni tabamuni me yacova ni oti na leqa.+
2 Au kaci vua na Kalou, o koya e Cecere Duadua,Vua na Kalou dina, o koya ena mai vakaotia na leqa ena vukuqu.
3 O koya ena tala mai lomalagi na veivuke qai vakabulai au.+
Ena vakasesei koya e valuti au tiko. (Sela)
Ena tala mai na Kalou na dei ni nona loloma kei na yalodina.+
4 Era sa wavokiti au na laione,+Au na davo ena kedra maliwa na tamata era via kanilaki au,Na batidra na moto kei na gasauQai yamedra na iseleiwau gagata.+
5 Moni cecere cake mai na lomalagi, kemuni na Kalou,Na kemuni lagilagi me roboti vuravura taucoko.+
6 Era vakarautaka na lawa me corita na yavaqu,+Au sa vakalairoro ena leqa.+
Era kelia rawa tu vei au e dua na qara,Ia era lutu tale kina.+ (Sela)
7 E dei na lomaqu, kemuni na Kalou,+E dei na lomaqu.
Au na lagasere, au na vakatagi tale ga.
8 Yadra mai na kequ lagilagi.
Yadra mai na ivakatagi vakawa kei na api.
Au na vakayadrata na mataka me kida mai.+
9 I Jiova, au na vakacaucautaki kemuni ena kedra maliwa na veimatatamata,+Au na sere ena vakacaucau* vei kemuni ena kedra maliwa na veimatanitu.+
10 Ni levu qai dei na nomuni loloma, e vaka na cere ni lomalagi,+Kei na nomuni yalodina, e yaco sara i macawa.
11 Moni cecere cake mai na lomalagi, kemuni na Kalou,Na kemuni lagilagi me roboti vuravura taucoko.+
