Same 144:1-15
Na Same i Tevita.
144 Me vakacaucautaki o Jiova na noqu Uluvatu,+O koya e vakavulica na ligaqu me vala,Na iqaqaloniligaqu ena ivalu.+
2 O koya e dei nona lomani au qai noqu idrodro,Na noqu ivakaruru tudei* kei na noqu dauveivakabulai,Na noqu isasabai au sa vakaruru kina,+O koya e vakamalumalumutaka na veimatatamata e rukuqu.+
3 Kemuni Jiova, na cava na tamata moni kauaitaki koya kina,Na luve ni tamata moni nanumi koya kina?+
4 Na tamata e vaka wale ga na icegu,+Na nona veisiga sa vaka na iyaloyalo sa seavu yani.+
5 Kemuni Jiova, ni biuta sobu* na nomuni lomalagi qai siro mai,+Ni tara na veiulunivanua mera kubou mai.+
6 Ni tibika na liva mera veiseyaki na meca,+Ni vanataka na nomuni gasau mera veilecayaki.+
7 Ni dodoka sobu mai lomalagi na ligamuni,Ni vueti au qai vakabulai au mai na wai voravora,Mai na ligadra na kaitani,+
8 E dau vosa lasu na gusudraRa qai laveta na ligadra imatau mera bubului ena ka lasu.*
9 Kemuni na Kalou, au na lagata vei kemuni e dua na sere vou.+
Au na sere ena vakacaucau* vei kemuni, me salavata kei na iyaya ni vakatagi e wa tini,
10 Vei koya e solia na qaqa* vei ira na tui,+E vakabula na nona dauveiqaravi o Tevita mai na iseleiwau dauveivakamatei.+
11 Ni vueti au qai vakabulai au mai na ligadra na kaitani,Na gusudra e dau vosa lasuRa qai laveta na ligadra imatau mera bubului ena ka lasu.
12 Na luvei keimami tagane era na qai vaka na kau gone era tubu totolo,Na luvei keimami yalewa era na vaka na duru ni kona e ceuti ena valenitui.
13 Na neimami lololo ena vuabale ena veimataqali itei,Na iwiliwili ni neimami qelenisipi ena neimami vanua ena tubu me vicavata na udolu, me oba vakaoba.
14 Na neimami bulumakau era bukete levu tu, era na sega ni leqa se lutudole na luvedra,Ena sega na tagi ni rarawa ena neimami rara.
15 Era marau na tamata e yaco vei ira qori!
Era marau na tamata e nodra Kalou o Jiova!+
iVakamacala e ra
^ Se “noqu vanua cecere tudei.”
^ Se “loveca.”
^ Ipe., “Kei na ligadra imatau na liga imatau ni ka lasu.”
^ Se “Au na vakatagi.”
^ Se “e veivakabulai.”
