Same 19:1-14
Vei koya na dairekita. Na sere i Tevita.
19 Na lomalagi e tukuna na lagilagi ni Kalou,+Na maliwalala e cake* e vakarogoya na cakacaka ni ligana.+
2 E veisiga e taladrodro na ka era tukuna,Era vakaraitaka tale ga na kilaka e veibogi.
3 E sega na ivakamacala, e sega tale ga na vosa,E sega ni rogo na domodra.
4 Ia sa roboti vuravura taucoko na kedra irogorogo,*Qai yaco ina iyalayala ni vuravura e tawani* na kedra itukutuku.+
Sa birika mai lomalagi o koya na valelaca ni matanisiga,
5 E vaka na taganevou ni basika mai na rumu ni vakawati,E marau vakalevu vaka na tagane qaqa ni ciciva nona sala.
6 E cadra mai na dua na iyalayala kei lomalagi,Qai wavoki sara me lai yaco ina iyalayala adua,+E sega tale ga ni dua na ka e vuni rawa mai na kena katakata.
7 E uasivi na lawa i Jiova,+ e veivakaukauataki.*+
E nuitaki na veivakadreti i Jiova,+ e vakavukui koya e yalowai.+
8 E dodonu na ivakaro i Jiova, e vakamarautaka vakalevu na loma ni tamata,+E savasava na ivakaro i Jiova, e serau kina na mata.+
9 E savasava na rerevaki Jiova,+ e tawamudu.
E dina na lewa i Jiova, e dodonu kece.+
10 E talei sara mai na koula,E uasivia na koula savasava,*+Qai kamikamica mai na oni,+ na oni e turu mai na qana.
11 E vakasalataki kina na nomuni dauveiqaravi,+Ke muria, ena dua na icovi levu.+
12 O cei e kila rawa na cala?+
Ni vakatakila mai niu sega ni cala ena valavala ca au sega ni kila.
13 Ni tarova tale ga na nomuni dauveiqaravi me kua ni dokadoka,+Kua ni laiva mera lewai au.+
Au na qai taucoko,+Au galala tale ga mai na valavala ca e kilai levu.*
14 Na vosa ni gusuqu, kei na vakanananu ni lomaquMe talei vei kemuni,+ i Jiova, na noqu Uluvatu+ kei na noqu iVakabula.+
