Same 50:1-23

  • Kalou e lewai ira na yalododonu kei na tamata ca

    • Veiyalayalati ni Kalou ena isoro (5)

    • “Kalou ga e Turaganilewa” (6)

    • Manumanu e nona na Kalou (10, 11)

    • Kalou e vakatakilai ira na daucaka ca (16-21)

Na sere i Esafa.+ 50  Na nodra Kalou na kalou, o Jiova,*+ sa vosa oti,E kacivi vuravuraMai na icabecabe ni siga ina kena idromudromu.*   Mai Saioni, e uasivi na kena totoka,+ e serau mai na Kalou.   Na noda Kalou ena lako mai qai sega ni galu tiko.+ E tu e matana na bukawaqa dauveivakarusai,+Qai wavoliti koya na cava kaukaua.+   E kaciva na lomalagi e cake, kei na vuravura,+Me lewai ira na nona tamata:+   “Kumuni ira mai na noqu tamata yalodina vei au,O ira na veiyalayalati kei au ena vakacaboisoro.”+   Na lomalagi e tukuna na nona yalododonu,Ni Kalou ga e Turaganilewa.+ (Sela)   “Ni vakarorogo, na noqu tamata, au na qai vosa,Au na tukuna na ivakadinadina me baleta na nomuni cala na Isireli.+ O yau na Kalou, na nomu Kalou.+   Au sega ni vunauci iko ena vuku ni nomu isoro,Se na vuku ni nomu isoro kama taucoko era dau tu e mataqu.+   Au na sega ni taura e dua na bulumakau tagane mai nomu vale,Se na me* mai na nomu bainimanumanu.+ 10  Ni manumanu kila kece ni veikau e noqu,+Na manumanu mada ga ena udolu na ulunivanua. 11  Au kila na manumanuvuka kece ni ulunivanua,+Na manumanu ni vanua era sega ni wili rawa e noqu. 12  Keu viakana, au na sega ni tukuna vei iko,Ni noqu na vanua bulabula kei na ka kece e tu kina.+ 13  Vakacava au na kania na lewe ni bulumakau tagane,Qai gunuva na dra ni me?+ 14  Cabora na vakavinavinaka me nomu isoro vua na Kalou,+Qai vakayacora nomu bubului vei koya sa Cecere Duadua,+ 15  Kacivi au ena gauna ni leqa.+ Au na vakabulai iko, o na qai vakalagilagi au.”+ 16  Ia ena kaya na Kalou vua na daucaka ca: “Na dodonu cava e tu vei iko mo tukuna na noqu ivakaro+Se vosa me baleta na noqu veiyalayalati?+ 17  Ni o cata na veivakadodonutaki,*O qai vakanadakuya tiko ga na noqu vosa.*+ 18  Ni o raica na daubutako, o vakadonui koya,*+O qai vakailala tiko kei ira na dauveibutakoci. 19  O vakayagataka na gusumu mo vakatetea kina na ka ca,Qai kabi e yamemu na lawaki.+ 20  O dabe qai vosavakacacataka na tacimu,+O vakaraitaka na cala* i luvei tinamu. 21  Ni o cakava na veika qo, au galu voli ga,O mani nanuma niu na vakataki iko ga. Ia qo au na vunauci iko,Au na qai tukuna na kisi au beitaki iko kina.+ 22  Yalovinaka ni vakasamataka qo, o kemuni na guilecava na Kalou,+Meu kua kina ni basuraki kemuni vakamatailalai ni sega ni dua me vakabulai kemuni. 23  O koya e cabora na vakavinavinaka me nona isoro e vakalagilagi au,+O koya tale ga e muria dei na sala,Au na vakavuna me raica na veivakabulai ni Kalou.”+

iVakamacala e ra

Se “O Koya mai Lomalagi, na Kalou, o Jiova.”
Se “Mai na tokalau ina ra.”
Ipe., “me tagane.”
Se “ivakavuvuli.”
Ipe., “qai viritaka tiko i dakumu na noqu vosa.”
Se rawa ni, “o tomani koya.”
Se “na irogorogo ca.”